Foto: Gallo Images/Getty Images.
Ashton Kutcher en Mila Kunis is nie van plan om hul dogters, Wyatt Isabelle (3) en Dimitri Portwood (15 maande), te bederf nie.
Op Dax Shepard se podsending, Armchair Expert, het Ashton onthul die egpaar sal “op die ou end ons geld vir liefdadigheid gee”.
Ashton (40) en Mila (35), wie se ouers van Oekraïne kom, het arm grootgeword.
Hulle wil hul kinders leer “vindingryk” wees.
Die akteur, wat in beginondernemings soos Airbnb en Uber belê het en nou sowat R2,4 biljoen werd is, hoop sy kinders sal sonder pasellas “gemotiveerd wees om te hê wat hulle (kleintyd) gehad het”.
BRONNE: DAILYMAIL.CO.UK, MIRROR.CO.UK, CANOE.COM
Ons wil graag hê jy moet langer kuier.
Teken in en kry onbeperkte toegang tot 11 Afrikaanse tydskrifte en 35 koerante. Alles op een plek.
KIES JOU PAKKET
