Die Springbok Andries Coetzee en sy vrou, Mart, ve
Die Springbok Andries Coetzee en sy vrou, Mart, verwag hul eersteling. Foto: Verskaf.

“Ek het sommer weggestap, en toe ek terugkom en Andries se oë is vol trane, toe weet ek ons gaan ouers word,” vertel Mart opgewonde aan Huisgenoot.

Andries speel tans vir die Kintetsu Liners-klubspan in Japan rugby, maar die paartjie beplan om op 23 Julie in Suid-Afrika te wees wanneer hul eersteling sy of haar opwagting sal maak.

Andries oefen saam rugby in Japan, waar hy tans vi
Andries oefen saam rugby in Japan, waar hy tans vir die Kintetsu Liners speel. Foto: Verskaf.

“Ons is baie dankbaar ’n positiewe swangerskaptoets wys reg oor die wêreld twee strepies, want ons het nie veel op die pamflet verstaan wat alles in Japannees geskryf is nie,” skerts Mart.

“Ons is vir seker nou die meeste opgewonde om die geslag uit te vind, sodat ons vir ons babatjie ’n naam kan gee,” verduidelik Mart.

Ons kan nie wag om ons liefde met hierdie nuwe babatjie te deel nie.

“Om name te kies bly maar ’n uitdaging, maar ons het darem al ’n kortlys. Dit sal nou als afhang of dit ’n dogtertjie of ’n seuntjie sal wees,” voeg sy by.

Verder sien hulle vreeslik uit om te sien hoe daardie gesiggie gaan lyk en om hul baba die eerste keer vas te hou.

Die paartjie geniet hul tydjie in Japan terdeë.
Die paartjie geniet hul tydjie in Japan terdeë. Foto: Verskaf.
Die paartjie poseer vir 'n kiekie in Osaka, Japan.
Die paartjie poseer vir 'n foto in Osaka, Japan. Foto: Verskaf.

“Ek en Andries voel baie geseënd omdat dit so ’n groot wonderwerk is en dit vir ons albei nog altyd ’n hartsbegeerte was om ’n pappa en mamma te wees,” vertel Mart. “Ons kan nie wag om ons liefde met hierdie nuwe babatjie te deel nie,” sê sy.

Wanneer hulle nou aan die kleintjie se koms dink, syfer daar tog ’n klein bietjie senuweeagtigheid tussen die opgewondenheid deur.

“Ons is definitief ’n bietjie skrikkerig of ons altyd sal weet wat om wanneer en hoe te doen, maar ek glo enige nuwe ouer vind met tyd uit wat werk en wat nie,” vertel Mart.

“Ek is ’n bietjie skrikkerig oor hoe ek met minder slaap gaan regkom, en Andries is skrikkerig oor hoe hy eendag vir ons kind gaan kan ‘nee’ sê,” lag sy.

Die Bokheelagter Andries Coetzee en sy vrou, Mart,
Die Bokheelagter Andries Coetzee en sy vrou, Mart, het hul troudag met ’n pragfotosessie gevier. Hulle is al op 15 Mei getroud, maar kon weens die inperking nie al hul planne deurvoer nie. Foto: Casper Willemse by CLW Lifestyle

Al het die corona-pandemie hul aanvanklike trouplanne belemmer, het die paartjie steeds besluit om op hul aanvanklike troudatum op 15 Mei verlede jaar by ’n klein seremonie af te haak.

Mart en Andries het ewige trou aan mekaar beloof in die NG kerk Muldersdrift in Johannesburg met net ds. Sumari Redelinghuys, haar man, die voormalige rugbyspeler Julian, en kollega, ds. Neels Kloppers, as getuies.

Hulle het hul huwelik  ’n paar maande later met ’n pragfotosessie gevier.

“Ons het besluit om die seisoen waarin ons nou is, op kamera vas te vang. Ons is en voel soos pasgetroudes. En wie weet, dalk is daar teen volgende jaar ’n pienkvoet en dan weet ek nie of my rok sou pas nie,” het Mart destyds aan Huisgenoot gesê. 

Mart en Andries is mal oor Japan, en was uit hul nate om in Desember vir die eerste keer sneeu daar te kon beleef.

Andries en Mart het vir die eerste keer sneeu gesi
Andries en Mart het in Desember verlede jaar vir die eerste keer sneeu gesien in Japan. Foto: Verskaf.
Andries en Mart baljaar in die sneeu.
Die paartjie baljaar in die sneeu. Foto: Verskaf.
Andries Coetzee
Foto: Verskaf.

“Japan is so 'n amazing land en ons geniet die rustigheid, die vriendelike mense en die kosbare tyd wat ons saam hier kan deurbring,” vertel Mart.

Weens die positiewe gevalle van die covid-virus is die Japannese rugbyseisoen nou met ’n maand aangeskuif, en sal Andries van 14 Februarie af vir sy klubspan kan uitdraf.

“Weens die covid-getalle wat in ’n stadium begin klim het, word ons vriendelik verplig om nie onnodige aktiwiteite te doen nie,” verduidelik Mart.

“Maar dit is eintlik onder beheer en nie naastenby so erg soos in Suid-Afrika nie.”

Tog is Mart hartseer dat haar ma se beplande kuier in Desember weens die pandemie gekanselleer moes word. 

“Maar ek en Andries sal terug wees in Suid-Afrika vir die baba se geboorte, want dit val gelukkig binne sy vakansietydperk,” sê sy.

Kom neem deel aan die gesprek
Volg Huisgenoot op FacebookTwitterInstagram en TikTok, en teken gerus in op ons nuusbriewe