Foto: Instagram (@brookeshields)
Foto: Instagram (@brookeshields)

Om te hoor die aktrise moes die selfvertroue bymekaarskraap om in die sosiale media lyf te wys, is dus ietwat van ’n verrassing.

Sy erken die idee om op 55 ’n bikini te dra, het by haar tienerdogters begin.

“Ek het een van daardie groot swembroeke met soveel moontlik materiaal gedra,” het Brooke onlangs vertel.

“My dogters het gesê: ‘Komaan, Ma, dis belaglik.’ En ek het toe myself deur hul oë gesien en dinge soos my boude aanvaar en gevier.

“Dinge waarop ek nooit sou wou fokus nie. Om 55 te wees en te sê: ‘Wag ’n bietjie, vroue oor 50 is nie oor die muur nie.’

“Op daardie ouderdom, veral as jy ’n aktrise is, dink mense jy moet ontspan, want jou loopbaan is agter jou, maar ek dink ek begin nou eers.”

‘Ek het my selfvertroue verdien. Ek gaan nog die regte hoek vind, en beligting’ – BROOKE SHIELDS

Sy erken sy was nie in haar grootwordjare “in voeling met my lyf” nie en “wou amper nie weet dit bestaan nie”.

Foto: Instagram (@brookeshields)
Foto: Instagram (@brookeshields)

Maar met die ondersteuning van haar kinders – en gereelde oefening – het Brooke geleer om lief te wees vir haar lyf en dit te wys.

“My dogters sê ek het kurwes . . . Ek sien hoe hulle dit vier. Ek leer by hulle, en hulle sê jy lyk altyd beter in iets wat jou lyf wys.”

Ons stem heelhartig saam.

BRONNE: PLAYBOY.COM, PEOPLE.COM, TODAY.COM, USMAGAZINE.COM, VOGUE.COM, PAGESIX.COM, DAILYMAIL.CO.UK

Kom neem deel aan die gesprek

Volg Huisgenoot op Facebook, Twitter, Instagram en TikTok, en teken gerus in op ons nuusbriewe