Ellen DeGeneres het in David Letterman se nuwe Netflix-program, My Next Guest Needs No Introduction, openhartig oor die geweldige impak gepraat van molestering op haar as tiener en haar verhouding met haar ma.
Sy beskryf dit as ’n “aaklige, aaklige storie” en sê sy was “15 of 16” toe haar stiefpa vir haar gesê het hy moet haar borste ondersoek vir knoppe wat op kanker kan dui.
Dít nadat haar ma, Betty, ’n mastektomie weens borskanker ondergaan het.
“En sake het vererger. Toe my ma eenkeer uitstedig was, het hy my kamerdeur probeer afbreek. Ek wou nie vir my ma sê nie. Ek wou nie haar geluk bederf nie.”
Ellen het nie haar stiefpa se naam genoem nie.
Betty (nou 89) was in daardie stadium met Roy Grussendorf, ’n verkoopsman van Texas, getroud.
Hulle is getroud nadat Betty van Ellen se pa, Elliott DeGeneres, ’n versekeringsagent, geskei is. Roy is in 1997 oorlede.
Ellen sê sy vertel nou haar storie om ander slagoffers van seksuele geweld aan te moedig om ook daaroor te praat.
ESQUIRE.COM, METRO.CO.UK, DAILYMAIL.CO.UK
- Kom neem deel aan die gesprek. Volg Huisgenoot op Instagram, Twitter, Facebook en WhatsApp, en teken in op ons nuusbriewe.
Teken in en kry onbeperkte toegang tot 11 Afrikaanse tydskrifte en 35 koerante. Alles op een plek.
KIES JOU PAKKET
