Albei siektes is sewe jaar gelede by Izel (28) gediagnoseer. Sy het sedertdien ’n lang pad gestap in terme van behandeling en hoe sy dit bestuur.   

Edwin is bekend vir sy rolle in televisiereekse soos Fynskrif en die flieks Wonderlus en Ballade vir ’n enkeling. Hy en Izel is al die afgelope vyf jaar ’n paartjie. Sy werk tans as ’n vryskut-videoredigeerder vir die televisiekanaal VIA (DStv-kanaal 147) se werklikheidsreekse.

Op sy Instagram-blad het Edwin ’n boodskap gedeel oor die pad wat Izel tot dusver met die siektes gestap het. 

View this post on Instagram

... After doing some reading on autoimmune disease last year, I came across a book I read called, Autoimmune Fix by Tom O’Bryan. Great read for both the person with the disease as well as the person who will be supporting them. One KEY piece of advice I got from that book was go on a Gluten, Dairy and Sugar free diet. As soon as possible. I sommer joined in on this challenge and we’re both doing it for a one year challenge; no Gluten, Diary or Sugar. The effects the author share is backed up by real stories, statistics and medical studies. The evidence is there, clear as daylight. ?? ?? Izel has since then seen some minor changes and improvements and she’s keeping on fighting. I always knew she’s a strong and courageous woman but you’ve blown me away with your resilience and super-woman courage and literally always staying kind and positive. I don’t know how you do that. I’m inspired by you every single day and I am sure so many others will be too. ?? ?? It takes lots of discipline and focus but we were designed to be healthy and happy, therefor I believe we should do whatever it takes to achieve that. We all face different types of battles; some face physical battles, some psychological battles and some financial battles but each one of us have to do whatever we can, helping each other to overcome these battles by sharing the knowledge and stories with each other; so that we can do life with a smile on our face and a “hippel in jou stap”. ?? ?? Izel has now stepped into a phase where she is walking into the battle with guns blazing; sharing practical advice and her journey with Psoriasis and Rheumatoid Arthritis step-by-step. This might help those who face the same type of battle. Go check out her profile @izel_jellybean and begin a conversation to shine a light on this “virus”, supporting each other to get this blerrie thing out of your bodies and your body back to where it belongs... beautifully designed to thrive physically, mentally and emotionally. ?? ?? Lekker maryntjies!!! ?? #chronicillness #autoimmunedisease #medicalmedium

A post shared by Edwin Vd Walt (@edwinvdwalt) on

"Ek het altyd geweet sy is ’n sterk en dapper vrou, maar jy het my stomgeslaan met jou veerkragtigheid en supervrou-dapperheid en hoe jy letterlik altyd gaaf en positief bly. Ek weet nie hoe jy dit doen nie. Jy inspireer my elke dag en ek is seker so baie ander sal ook deur jou geïnspireer word," skryf Edwin by ’n foto van Izel op ’n strand in die Oos-Kaap. 

Izel se lewensuitkyk is baie positief en aanpasbaar, vertel Edwin. Hy sê ook dat sy weier om toe te laat dat haar pyn en uitdagings mense rondom haar terughou of negatief beïnvloed. 

View this post on Instagram

5 jaar ?? @edwinvdwalt

A post shared by Izel vd Merwe (@izelx_x) on

"Dit gaan goed met Izel, ek dink ek sê 'goed' om positief te bly, maar dit is moeilik vir haar. Sy is vrek sterk, soms té sterk. Vir nou is dit ’n stryd om te probeer ontslae raak van die pyn - sy het elke dag pyn in haar gewrigte," sê Edwin. 

 Hy sê die feit dat sy sedert September 2019 van die huis af kan werk, help Izel baie. 

"Toe sy nog permanent in die stad was, was dit moeiliker weens die rumatoïede artritis. Om te bestuur en selfs om te stap is ongemaklik en seer, en dit was natuurlik deel van die taak om by die werk uit te kom.

"As sy opstaan, klou sy eers aan die tafel of kry iemand om haar te help weens die pyn in haar gewrigte, waarvan 43 nou inflammasie het. So om van die huis af te werk maak daardie take makliker vir haar, want ek kan darem help," sê die akteur. 

Op die spesiale Instagram-blad waar Izel meer deel oor haar psoriase en RA, brei sy uit oor die redes vir haar besluit om openlik daaroor te praat.

"Hi, my naam is Izel (28) en ook op hierdie foto is my vriend se kat. Ek het hierdie profiel geskep om met mense in aanraking te kom wat ook aan RA en psoriase ly en hulle te motiveer, of as jy ook net 'n gesonde lewe wil lei #imarookie, maar hopelik kan ek vir julle wys wat ek geleer het. RA en psoriase is sewe jaar gelede by my gediagnoseer en ek het eers ware en natuurlike verligting gevind nadat ek baie raad en medikasie probeer het," skryf Izel by ’n foto van haar en ’n vriend se kat. 

Sy vertel ook aan Huisgenoot dat sy dink baie mense ly in stilte aan chroniese siektes en dat dit haar ook aangespoor het om haar verhaal te deel.

"Instagram het nou vir my ’n platform geword om my storie te deel. Daar is al soveel mense wat uitgereik het na my wat self deur iets soos dit gaan of iets soortgelyks, of hul mans of kinders worstel daarmee. Dit voel amazing om so ’n gemeenskap te hê waar mense jou ondersteun en waar jy kan help en raad gee," vertel sy. 

Izel het ook ’n reeks foto's gedeel van hoe haar hande en vingers sedert Mei 2018 deur die siekte aangetas is.

"So hier is die agteruitgang van my RA-hande en -vingers. Eerste foto geneem Mei 2018 en die laaste Jan 2020. Ek kan eerlikwaar nie glo my hande het in ’n stadium in my lewe soos die eerste foto gelyk nie. Nou is dit baie erger, maar - en dis ’n groot maar - ek het verfynde suiker, gluten en suiwelprodukte sedert 1 Jan 2020 uit my dieet gesny en ek voel baie beter as tevore. Ek het nog baie pyn, maar ek voel hoe die pyn wegkwyn en dis baie groot. Ek sal julle ingelig hou oor my reis en ek hoop julle vind ook genesing," skryf Izel by die foto's van haar hande. 

Hulle was op ’n goeie manier geskok oor die terugvoer wat hulle tot dusver van mense ontvang het ná die Instagram-plasings, vertel die paartjie. 

"Ons was geskok oor die hoeveelheid mense wat haar aangemoedig het, maar wat ook erken het hulle gaan deur presies dieselfde of iets soortgelyks. Mense het hul harte begin deel oor die groot uitdagings wat hulle daagliks in die gesig staar. Dis baie moeiliker as wat ons 'gesondes' dink," sê Edwin, wat onlangs op die jaarlikse kykNET Fiëstas-prysaand met die prys weggestap het vir beste manlike byspeler vir sy rol in die teaterstuk Koningin Lear

"Die sielkundige uitdaging speel ’n groot rol en mense het mekaar nodig om teen hierdie 'virus' te baklei, sielkundig en fisiek."

Edwin vertel aan die begin van haar diagnose het Izel medikasie geneem wat sy permanent moes gebruik aangesien haar siekte ’n chroniese toestand is, maar het onlangs besluit om die medikasie te staak. Sy volg tans ’n baie spesifieke gesonde dieet. 

"Soos die dokters sê: Dit kan nie genees word nie, net onder beheer gehou word met medikasie. Hulle het gesê as sy die medikasie los, sal sy binne ses maande in ’n rolstoel wees. Gelukkig was dit nie die geval nie. Sy vaar tans baie goed met haar dieet."

Izel voeg by: "Moet my nie verkeerd verstaan nie; daar is beslis plek vir dokters. Net uit my ervaring met chroniese siektes was selfstudie en oplees daaroor baie belangrik vir my genesing."

Namate Izel se simptome vererger, moes die jong paartjie leer om aktiwiteite te doen wat nie vir Izel ongemaklik sal maak nie. 

"Ons gaan fliek, kyk die belaglikste werklikheidsreekse op Netflix, maak saam kos sonder enige selfone, of gaan eet iets by Kauai; Izel kan tydens haar 'cleanse' omtrent net hier iets kry om te eet," sê Edwin. 

Om met ’n chroniese toestand saam te leef is ondraaglik vir die mens wat aan die siekte ly, maar Edwin sê in sy Instagram-plasing dat daar tye was in die verlede waar hy soms gefrustreerd geraak het met die feit dat Izel nie altyd aan aktiwiteite kan deelneem nie. As die mense wat Izel bystaan en help versorg, sê hy dat hy en hul families dit oomblik vir oomblik vat. 

"Sommige dae is moeiliker, dan vat ek dit net oomblik vir oomblik. Ek probeer haar omgewing so positief en gesond moontlik hou. Ek kry dit glad nie so baie reg as wat ek sou wou nie, maar ek glo hierdie is deel van die reis. Ons vind maniere wat werk en laat gaan die wat nie doen nie. Ons albei se families probeer net daar wees vir Izel, en elkeen speel hul eie belangrike rol in haar reis.

"Soms is al wat sy soek net om te lag oor haar situasie. Haar broer, Werner, het psoriatiese artritis, en hulle terg mekaar in goeie gees. As familie ondersteun ons mekaar deur net te praat, maar ook met stilte. Ek voel ons moet meer bereid wees om te praat oor moeilike dinge, eerlik en weerloos te kan wees en daarna tyd te vat waar 'n mens net in stilte niks vir niemand hoef te sê nie, en waar jy jouself tyd gun om alles te verwerk en te voel," sê Edwin.