In dié nuutste neiging laai deelnemers ’n dekade oue kiekie langs ’n huidige foto van hulself in die kuberruim, sodat mense kan sien hoe goed (of sleg) Vader Tyd hul behandel het.

Plaaslike bekendes soos die krieketster JP Duminy en sy vrou, Sue, die TV- en radio-aanbieder Elana Afrika-Bredenkamp, die Supersport-aanbieder Elma Smit, die komediant Trevor Noah en die voormalige Mej Suid-Afrika Suzette van der Merwe het almal deelgeneem:

JP Duminy 

Die afgelope dekade het daar baie in Jean-Paul Duminy se lewe gebeur. Hy het in Desember 2008 in sy toetsdebuut teen Australië in Perth gekolf toe hy as plaasvervanger ingeroep is toe die onderkaptein, Ashwell Prince, beseer is. Dit was egter sy vrou, Sue, wat hom in 2011 uitgeboul het toe hulle ná twee en ’n half jaar saam die knoop deurgehaak het.

Die paartjie het hul eersteling, Isabella, in 2015 in die wêreld verwelkom. Hul tweede dogtertjie, Alexa-Rose, is verlede jaar gebore. "Ons is soos ’n goeie Bordeaux-wyn," spog Sue op Instagram by foto’s van haar en manlief oor die jare.


Elana Afrika-Bredenkamp

In Elana se nostalgiese oomblik op Instagram het sy ’n foto gedeel van haar as platejoggie by ’n radiostasie, teenoor ’n grappige foto wat sy onlangs geneem het. 

“Ek het by klubs ge-DJ en tot laat wakker gebly. Nou . . . rock ek lullabies en staan vroeg op,” skryf die ma van twee by die twee foto’s wat haar transformasie oor die jare uitbeeld. 

Met haar loopbaan as aktrise wat steeds van krag tot krag gaan, het sy in 2013 haar werk as radio-aanbieder laat vaar. Sy is steeds te sien as ’n aanbieder op SABC3 se ontbytprogram Expresso.

Elma Smit

Elma se foto van tien jaar gelede wys haar as aanbieder op MK se destydse musiekprogram Studio1. “Ek onthou ek het toe gedink die lewe kan nie enigsins beter word nie, maar ek was heeltemal verkeerd,” het sy op Instagram by die foto geskryf.

As wenner van die Lady Rugga-kompetisie in 2011 het Elma die eerste vrou geword wat vir Supersport verslag gedoen het oor die Wêreldbekertoernooi. Sedertdien het sy haar stempel op Suid-Afrikaanse rugby afgedruk. 

Sy is boonop die bemarkingsbestuurder van MyPlayers, Suid Afrikaanse rugby se spelersvereniging.

Trevor Noah

“Soos julle kan sien, het my styl nie baie verander oor die laaste dekade nie,” skryf die komediant Trevor Noah op Instagram by die twee foto’s van sy transformasie. 

Hoewel die meeste mense Trevor Noah ken oor sy tong-in-die-kies Amerikaanse geselsprogram, The Daily Show, is dit nie hoe hy plaaslik bekendheid verwerf het nie. 

Voor hy oorsee naam gemaak het, het hy as plaaslike komediant in programme soos The Real Goboza en The Amazing Date verskyn en ook sy eie laataandgeselsprogram, Tonight with Trevor Noah, op M-Net aangebied. 

Suzette Van der Merwe

Die voormalige Mej. Suid-Afrika Suzette van der Merwe het op Instagram gespog met ’n foto van haar in 2008 op Woman and Home se voorblad, teenoor ’n meer onlangse selfie in 2018. “Hoekom so ernstig?” het sy by die foto geskryf. 


Die hutsmerk het ook internasionaal opslae gemaak. Dié bekendes het hul ou kiekies gewys:

Nicole Parker

Kate Beckinsale

Kevin Hart

Samuel L. Jackson 

Nicki Minaj 

View this post on Instagram

????

A post shared by Barbie® (@nickiminaj) on


Bronne: Channel24, LinkedIN, Elana Afrika.com, Elma Smit.co.za