Die sangeres Karlien van Jaarsveld het Woensdagaand twee lang huldeblyke op haar Instagram-profiel geskryf ná haar man, Joe Breytenbach, se pa, Erik, Saterdagaand oorlede is.

“Sonder om 'n traan te strort oor sy pa, sien ek die absolute pyn op my man se gesig. Dis asof sy gelaatstrekke verander het. As ek hom so van die kant af beloer lyk hy amper na iemand anders. Eers lyk jy mos na jou natuurlike pa en met wedergeboorte al meer na die Vader van die heerlikheid,” het Karlien by ’n foto van ’n leeu geskryf.

View this post on Instagram

Sonder om ‘n traan te strort oor sy pa Sien ek die absolute pyn op my man se gesig Dis asof sy gelaatstrekke verander het As ek hom so van die kant af beloer Lyk hy amper na iemand anders. Eers lyk jy mos na jou natuurlike pa en met wedergeboorte al meer na die Vader van die heerlikheid. Wanneer jy saam Moses die woestyn deurgetrek het is jy gedoop in die liggaam van moses en dra dit ‘n wettiese godsdiens wat jou laat rondhardloop in die tuin van eden al rondom die boom van kennis van goed en kwaad. Die boom se wortel dra ultimately net dood. Of jy nou goed of kwaad doen. Net soos die saad van die eerste adam waaraan elkeen met ‘n merk van ‘n naeltjie aan sy lyf, deel van daai geslag uitmaak. Jou naeltjie is nie waar die engelse jou geskiet het nie, maar wel die ongehoorsaamheid van die voorgeslagte. Ek kan nie help om die vergelyking te bly trek van die boom van die lewe in die middel van die tuin, en die Jesus aan die kruis in die middel van die twee sondaars. Jesus die boom van die Lewe. Met een sondaar wat sê, haal jouself van die kruis af. En die ander een wat Hom vra om genade. Vandag sal jy saam my in die paradys wees was Jesus se woorde. Pa se laaste dag het hy gelê in ward 4 unit 2, wat God my toe laat onthou van die getal 42. Jesus is die 41 ste geslag wat gebore was, toe die swaard in Sy sy gesteek word, word die bruid gebore, die Christus, die 42ste geslag, waarvan pa deel uitmaak. Soos die salwing van Jesus se hoof afdrup op die liggaam van Christus, is pa ook gesalf. 2 ure voor ons hoor pa is oorlede, is ek en Nicola besig om orals rond te krap om die fliek anastasia te kan kyk, dis ‘n herhinnering van ons kinderdae. Die fliek is nêrens te vinde. Die vrou met wie ons die reëlings moet tref oor pa se liggaam, se naam is ook Anastasia. Die naam Anastasia beteken resurrection. Pa se liggaam is verheerlik. Toe ek ‘n kind was het ek gepraat soos ‘n kind gedink soos ‘n kind, nou dat pa lewend is na sy dood, sal ek lewe soos ‘n vrou, wat eet van die boom in die middel van die tuin, sodat ek kan leef van die woorde van God alleen. Pa het sy merk op aarde getref, soos hy ‘n bok tussen die oë kon tref.

A post shared by Karlien (@karlienvanjaarsveld) on

“Ons mis alreeds daai kyk in pa se blou oë, wat sê, jy het genade in my oë gevind,” het Karlien by ’n swart-en-wit-foto van Joe en sy pa op hul troudag geskryf.

Ronel Brink, Karlien se ma en bestuurder het bevestig dat Joe se pa Saterdagaand dood is. Sy het egter nie oor die oorsaak van sy dood uitgewei nie.

Ronel het gesê Karlien en Joe wil net dít wat Karlien op sosiale media geskryf het, deel.

Karlien se aanhangers en Instagram-volgelinge het met bemoedigende boodskappe en simpatie gereageer.