Dié foto’s is deur Judith Doubell van Judith Belle Photography geneem en was volgens ousus Trix (29), “baie simbolies en betekenisvol” vir haar en Lea (26). 

“Ons wil daarop fokus om binne ’n genadelose en mededingende bedryf altyd te onthou suster-wees kom eerste. Ons liefde en handvashou-deur-dik-en-dun is die belangrikste; die res is irrelevant,” het Trix aan Huisgenoot gesê.

Foto's: Judith Doubell van Judith Belle Photography
Foto's: Judith Doubell van Judith Belle Photography
Foto's: Judith Doubell van Judith Belle Photography

Vir Lea was dit ’n nostalgiese fotosessie wat haar aan hul kinderdae herinner het. 

“Dit was heerlik om saam met Trix te skiet. Dit het my herinner aan ons klimraam-en-trampolien-dae waar ons ure aaneen óf buite in die tuin óf papierpop in die huis gespeel het,” sê Lea. 

Hulle is vandag steeds baie geheg aan mekaar.

“Ek kan net na Trix kyk dan weet sy presies wat ek dink. Om saam met haar voor die kamera te speel is soos om ons secret code met die kamera se lens te deel,” vertel Lea.

Foto's: Judith Doubell van Judith Belle Photography
Foto's: Judith Doubell van Judith Belle Photography
Foto's: Judith Doubell van Judith Belle Photography

Vir die fotograaf, Judith, was dit ’n eer om saam met dié bekende sussies te werk.

"Lea en Trix is albei spontaan en gemaklik voor die kamera en teen die einde van die sessie het dit gevoel asof ek hulle al jare lank ken.

Foto's: Judith Doubell van Judith Belle Photography

"Dis altyd lekker om met ander kreatiewe siele te werk en met verskillende style te eksperimenteer. Ons het in The Parks - Natural Light Studio in Rosebank geskiet en eintlik het die interessante ruimtes ons sessie gedikteer.

"Lea en Trix wou graag besonderse foto's saam hê wat nie binne enige norme van ’n sustersfotosessie sou val nie."

Trix is veral bekend vir haar rol as die verleidelike Kate Myburgh in kykNET se dramareeks Waterfront wat verlede jaar op die kassie was en sy is tans weer op kykNET te sien, hierdie keer as Yolandi in die sepie Suidooster. 

Die talentvolle aktrise-sussies Trix en Lea Vivier het onlangs die mooiste portretfoto’s laat neem om hul sterk susterband te vier. Foto's: Judith Doubell van Judith Belle Photography

Lea is self lekker bedrywig. Sy speel op die oomblik saam met Bobby van Jaarsveld in die kykNET-komediereeks Mense Mense, is te sien as Lika in Binnelanders én haar eerste fliek, Wonderlus, waarvoor sy verlede jaar as beste aktrise by kykNET se Silwerskermfees in Kaapstad bekroon is, is van Vrydag 27 April af in fliekteaters landwyd te sien.