Die koelkop nommer-10 was totaal oorweldig toe hy sy meisie en die ma van sy drie seuns, Iva Risstic, tydens 'n romantiese afspraak die jawoord gevra het.
“Hy het vir my 'n Cosmopolitan-mengeldrankie bestel en die ring in die drankie gesit. Ek het dit nie eens gesien nie. Ek was te besig om uit my glas te drink en foto’s van my spoggerige skemerkelkie te neem,” vertel die model aan Huisgenoot.
Dis toe dat Elton van sy stoel af opstaan, op een knie neersak en sy “sielsgenoot” vra om met hom te trou.
