Die plaaslike aktrise deel gereeld in die sosiale media foto’s van klein Charlotte met haar aanhangers.

Rolanda het ’n pragtige kiekie van ma en dogter op Instagram gedeel. “Baie geluk met jou tweede verjaardag my Charlotte James. Dankie dat jy my lewe verryk het. Die liefde wat ek vir die dogter van my het,” lui die inskrywing.

Van Rolanda se 19 000 volgelinge op Instagram het die aktrise en haar dogtertjie gelukgewens.

“Baie geluk met Charlotte se verjaarsdag, beeldskoon soos haar mamma,” het een laat hoor. “Baie geluk met jou verjaarsdag mooie pop. Mag dit ’n dag vol liefde en geluk wees,” sê nog een.

“Om ’n ma te wees is verskriklik lekker en ek leer baie van myself,” vertel Rolanda aan Huisgenoot.

"Al voel dit soms tyd staan stil omdat ek so baie dinge gelyktydig moet bymekaar hou soos my werk, huishouding en my kleinding, het ek besef dat die tyd eintlik vinnig verbyvlieg omdat Charlotte alreeds twee is,” sê sy.

En beplan hulle ’n partytjie vir die klein prinses?

"My man is tans in Johannesburg om ’n fliek te vervaardig en ek werk tans aan ’n teaterstuk. Daarom het ons besluit om haar partytjie met ’n week uit te stel. Ons gaan dan ’n bietjie Sandbaai naby Hermanus toe," vertel Rolanda ewe opgewonde.