Kanarie het ’n volle vyf pryse gewen en is onder meer as die beste speelfilm aangewys.

Vir haar rol in Die Seemeeu is Cintaine Schutte as beste vroulike byspeler bekroon.

Cintaine Schut­te is as beste vroulike byspeler bekroon. Foto: Corrie Hansen.
Die paartjie Mila Guy en Beer Adriaanse was onderskeidelik in Axis Mundi en Kanarie te sien. Lea Vivier (links) het saamgekuier. Foto: Misha Jordaan.

Ellen: Die Storie van Ellen Pakkies het drie pryse gewen.

Dit het Jarrid Geduld, wat Abie Pakkies speel, die prys vir die beste akteur in ’n vollengterolprent besorg, terwyl Jill Levenberg as beste aktrise aangewys is in die rol van Ellen.

Christiaan Olwagen is vir Kanarie as die beste regisseur aangewys. Foto: Corrie Hansen.
Germandt Geldenhuys is as beste manlike byspeler aangewys vir Kanarie. Foto: Corrie Hansen.
Jarrid Geduld het 13 kg verloor om die tikverslaafde Abie Pakkies te speel. Foto: Lindsay Appolis.

Die room van Suid-Afrika se akteurs het by die fees in The Bay-hotel saamgekuier.

Die veteraan-akteurspaar Lida en Johan Botha het uit Oudtshoorn in die pret kom deel. Hulle speel ’n getroude paar in Kanarie en in Ander Mens.

Karen Mei­ring van kykNET by Katinka Heyns, wat ’n eerbewys vir haar lewenslange bydrae gekry het. Foto: Corrie Hansen.
Van links is Antoinette Louw, Jill Levenberg en Milan Murray. Foto: Corrie Hansen

“Dis ’n groot eer om saam met die legendes te kuier,” het Cindy Swanepoel laat hoor. Sy is as die beste aktrise in ’n kortfliek van 22 minute, Fluit Fluit, bekroon.

Brendon Daniels is aangewys as die beste akteur in ’n kortprent van 11 minute, Cowboy Dan.

Francois Jacobs was onder meer in Kanarie te sien. Amalia Uys het saam kom fliek. Foto: Misha Jordaan.
In die kortfliek Cowboy Dan verbeel Brendon Daniels (links) se karakter hom hy is ’n cowboy. Hier is hy by Ricardo Arendse. Foto: Misha Jordaan.
Johan en Lida Botha kuier saam met Cindy Swane­poel (middel). Foto: Misha Jordaan.