Suzette (49) en Mark (54), wat al sowat drie jaar verloof is, het ses dae lank in Zanzibar uitgespan. 

Die paartjie het die eilandlewe behoorlik geniet en ’n paar pretaktiwiteite aangepak.

“Ons het meestal net ontspan, maar ook gesnorkel en piekniek gehou. Ons het seekos op die strand gebraai en met 'n tradisionele seilboot die dolfyne gaan kyk,” vertel Suzette aan Huisgenoot. 

Seas the day. #vitaminsea??????

A post shared by Suzette van der Merwe (@suzettevandermer) on

Die vakansiefoto’s wat Suzette in die sosiale media gedeel het, wys hoe lekker hul vakansie was. Die paartjie vat jaarliks ’n paar dae af en breek alleen weg om weer te "connect", sê sy.

When in Zanzibar... ??

A post shared by Suzette van der Merwe (@suzettevandermer) on

“Verlede jaar was ons Hongkong toe, die jaar voor dit Ierland en nog voor dit was dit Londen,” sê Suzette, wat in 1990 as Mej. Suid-Afrika aangewys is. Sy was toe 21 jaar oud.

Travel makes one modest #wanderlust

A post shared by Suzette van der Merwe (@suzettevandermer) on

By een foto waar die immergroen Suzette in ’n baaibroek op die strand sit, skryf sy: "Geen terapie soos strandterapie." Op nog ’n foto klink sy en haar verloofde ’n glasie op hul vakansie. Die paartjie lyk steeds smoorverlief. 

Off on a Romantic holiday adventure with my ??#wanderlust

A post shared by Suzette van der Merwe (@suzettevandermer) on

En hoe hou die twee, wat mekaar in November 2013 op ’n toe-oë-afspraak ontmoet het, hul liefdesvlam aan die brand?

Home for 5 glorious days #islandliving #sunandsea????

A post shared by Suzette van der Merwe (@suzettevandermer) on

Suzette meen Mark, ’n gebore Nieu-Seelander wat in die finansiële bestuursbedryf in Afrika werk, het baie geduld.

“Ons albei is besig en het ons eie lewe; dus is ons tyd saam min en dit hou ons verhouding vars en nuut,” het sy gesê.