Een toeskouer, wat saam met haar vierjarige dogter daar was om die paartjie te sien, het aan People vertel die hertogin het verklap hoe ver in haar swangerskap sy is.

“Ons het haar gevra hoe dit met die swangerskap gaan en sy het gesê sy is ses maande swanger en teen haar maag getik,” het die vrou gesê.

Meghan het aan ander in die skare gesê sy skenk laat in April die lewe, berig Town and County.

Die voormalige aktrise en haar prins het ook oor moontlike babaname gepraat, maar gesê hulle weet nie wat is die baba se geslag nie.

Toe Kensingtonpaleis in Oktober 2018 die swangerskap in ’n verklaring aankondig, het hulle gesê die paartjie verwag hul eerste baba in die lente van 2019 (herfs in Suid-Afrika).

Daar word ook gegis dat die koninklike paartjie nie een nie, maar twee babas verwag.

Die grootte van Meghan se boepie ’n maand gelede het gelei tot weddenskappe oor of sy ’n tweeling verwag of nie, berig Mirror.

Bronne: Town and County, People, Mirror