Therese en Christian verwag hulle eerste baba
Therese en Christian verwag hul eersteling. Foto: Retha Ferguson

Daar is nuwe hoop en lewe op pad vir Therese Bam en haar man, Christian. Hulle verwag ’n babaseuntjie later vanjaar. 

“Ek is verskriklik opgewonde,” sê Therese. “Ek wag al so lank hiervoor.”

Die Kwêla-aanbieder, wat ook onlangs te sien was in die televisiereeks Kompleks, erken sy het die normale vrese wat ’n vrou het wat die eerste keer ma word, maar bowenal ervaar sy “ongelooflike dankbaarheid”.

“Ek is so dankbaar dat daai babatjie sover gesond is en dat alles goed lyk.

“Mens is verstom oor die absolute wonderwerk.”

Therese het met die aankondiging in die sosiale media laat blyk dat sy met behulp van in vitro-behandeling en ’n skenker-eier swanger geraak het.

Maart is vir my n groot maand, want dis my geboortemaand ?? Dit voel dus gepas om aan die begin van dié maand ons nuus te...

Posted by Therese Bam on Monday, 1 March 2021

Sy is nou sowat 14 weke swanger en hulle verwag die babaseuntjie op 30 Augustus. 

“Toe die suster my bel en sê ek is swanger, het ek so hard in haar ore gegil en toe op die kombuisvloer gaan sit en huil. Ná alles was dit so ’n ongelooflik verligting. Ek was stomgeslaan.

“My man was hier en die eerste persoon wat ek daarna gebel het was my sussie (Valda Leonhardt). Sy het snuf in die neus gehad, want voor die oproep van die suster het ek ’n tuistoets gedoen wat vaag positief was en ek het haar toe met ’n video-oproep gebel. 

“My man weet altyd eerste en my sussie is kort op sy hakke.”

The­rese en haar argitekman, Christian, woon in Ho
The­rese en haar argitekman, Christian, woon in Houtbaai. Hier is hulle by hul twee honde, Pepe en Lizzie. Foto: Verskaf

Sy sê Christian is baie opgewonde en hy is ook net so dankbaar dat die baba sover gesond is.

Kom neem deel aan die gesprek

Volg Huisgenoot op Facebook, Twitter, Instagram en TikTok, en teken gerus in op ons nuusbriewe