Weet  jy hoeveel suiker jy elke dag inneem? Dalk dink jy dit kan nie so erg wees nie, want jou dieet is taamlik matig en jy voeg nie eintlik suiker by jou tee of koffie nie.

Maar selfs al het jy sjokolade en ander soetgoed laat staan – en jouself daaroor op die skouer kan klop – eet jy dalk steeds meer suiker as wat jy besef.

Dit is omdat soveel kos deesdae versteekte suiker bevat, sê Kirby Hendricks, ’n dieetkundige by Alex Royal Dietetics in Kaapstad.

Ons het vyf mense gevra om ’n dag lank dagboek te hou van alles wat hulle eet. Daarna is hul kosinname deur Kirby ontleed en het sy bereken hoeveel suiker hulle in die loop van die dag ingeneem het.

Teelepel = 5 ml Eetlepel = 15 ml Koppie = 250 ml

Lindsay de Freitas (31)
Lindsay de Freitas
Lindsay de Freitas

Inname per dag

  • 4 eetlepels volroomjogurt (met vrugtestukke)
  • 2 snye lae-GI-volgraanbrood met ham en 1 tamatieskyf
  • 1 geroosterde hoenderfilet, 3 aartappelwiggies en ½ avokado
  • 1 middelslag-appel
  • 2 malvalekkerpaaseiers
  • Drankies: 1 koppie koffie met een sukralose-pilletjie

Voedingsinhoud (geraam)

Totale suiker: 9 teelepels (37 g)

Eet so minder suiker

  • Vermy te veel versoeter. Dit kan jou suikerlus vererger, al is dit ’n beter keuse as suiker.
  • Kies eerder natuurlike laevetjogurt met gekapte vars vrugte. Party soorte laevetjogurt het ’n hoër suikerinhoud as die volroomweergawes, maar dit wissel na gelang van die handelsnaam. Kweek die gewoonte aan om die etikette te lees.
  • Verruil die Paaseiers vir ’n gesonde peuselhappie van rou groente met hummus, ’n hand vol rou neute of mieliekoekies met neutbotter.
  • Voeg slaai en/of groente by aandete om jou dieet meer gebalanseerd te maak.
Luzuko Bawuti (27)
Luzuko Bawuti
Luzuko Bawuti

Inname per dag

  • 4 snye witbrood met 2 eiers en ½ avokado
  • 5 gekrummelde hoender­repe, 3 eetlepels sampioen-­en-­knoffelsous, 1 koppie broccoli en 5 patatwiggies
  • 1 groot bord umngqusho (stampmielies met suiker­bone, botter, uie en aartappels)
  • Drankies: 1 koppie koffie met melk, geen suiker

Voedingsinhoud (geraam)

Totale suiker: 4 teelepels (14 g)

Eet so minder suiker

  • Die suikerinhoud is onder die aanbevole daaglikse 6 teelepels, maar kan nóg laer wees as die brood vir volgraan- of rogbrood verruil word.
  • Voeg slaai en/of meer groente by aandete om jou dieet meer gebalanseerd te maak.
Jane Surtees (53)
fathers day
Jane Surtees

Inname per dag

  • 3 eetlepels natuurlike volroomjogurt met 1 teelepel heuning en 1 koppie muesli
  • 1 saadrolletjie met 1 tamatie, 60 g camembertkaas, ½ avokado en blaarslaai
  • 1 piesang, 2 middelslag-clementines, 1 klein appel, 1 koppie grondbone
  • 2 koppies quinoaslaai met tamaties, feta, avokado, komkommer en geroosterde sade
  • 20 g melksjokolade
  • Drankies: 2 koppies koffie met melk, geen suiker; 2 glase whiskey

Voedingsinhoud (geraam)

Totale suiker: 18 teelepels (74 g)

Eet so minder suiker

  • Kies eerder min-koolhidrate-­muesli en voeg goji- of bosbessies by.
  • Wat peuselgoed betref: Vermy sjokolade, verminder die vrugte tot 1-2 porsies en kies eerder ’n klein hand vol amandels of kasjoeneute.
Noel van der Burg (59)
Noel van der Burg
Noel van der Burg

Inname per dag

  • 3 Weet-Bix-koekies met ’n koppie volroommelk
  • 2 gekookte eiers
  • 4 snye volgraanbrood met grondboontjiebotter
  • 1 groot bord spaghetti bolognese
  • Drankies: 2 koppies rooibostee met melk en 1 teelepel heuning

Voedingsinhoud (geraam)

Totale suiker: 12 teelepels (47 g)

Eet so minder suiker

  • Vervang die heuning met xilitol of drink die tee sonder enige versoeter. Rooibostee het self genoeg geur.
  • Kies suikervrye grondboontjiebotter pleks van die gewone soort, maar eet ’n ander toebroodjievulsel soos geroosterde hoender en hummus of fyngemaakte avokado om jou dieet meer gebalanseerd te maak.
  • Voeg slaai en/of groente by aandete.
Ghian Krynauw (11)
Ghian Krynauw
Ghian Krynauw

Inname per dag

  • 1 bak Futurelife-ontbytpap met melk
  • 2 snye witbrood met botter en ’n skyf ham
  • 2 snye witbrood met botter en aarbeikonfyt
  • 1 KitKat-sjokolade
  • 1 klein appel
  • 1 klein bord macaroni-en-kaas met witsous
  • 1 tortilla met hoenderrepe, avokado, feta, komkommer en wortel
  • 1 klein bak volroom-vanieljeroomys
  • Drankies: 3 glase Iron Brew-­gaskoeldrank

Voedingsinhoud (geraam)

Totale suiker: 56 teelepels (223 g)

Eet so minder suiker

  • Vervang witbrood met vol­koring- of rogbrood.
  • Kies pleks van konfyt voed­samer toebroodjievulsels soos gekookte eiers, avokado of hoender met slaai.
  • Verruil sjokolade vir neute of ’n droëvrugte-en-neutestafie.
  • Vermy versoete gaskoeldrank en vervang dit met verdunde vrugtesap.
  • Vervang die roomys met lae-­GI-warmsjokolade (soos Nomu Skinny-warmsjokolade) wat met laevetmelk gemaak is.
Trek jou suikertand
Dit het ook resepte vir gesonder soethappies waar
Dit het ook resepte vir gesonder soethappies waar alternatiewe of minder suiker gebruik word.

Wil jy minder suiker gebruik? Skaf Huisgenoot Min Suiker aan.

Dit wys hoe suiker in alledaagse kosse skuil en bied strategieë om die drang in die kiem te smoor. Dit het ook resepte vir gesonder soethappies waar alternatiewe of minder suiker gebruik word.

Kry jou boek teen R49 in winkels of bestel dit by Johan Terblanche by 021-406-4962 of johan.terblanche­@­media24.com vir aflewering. (Ekstra koste kan geld.)

EKSTRA BRONNE: WITS.AC.ZA, WHO.ORG, IDF.ORG, HEALTHLINE.COM, HEALTH-E.ORG, AFRICACHECK.ORG, WORLDATLAS.COM, FOODINGREDIENTSFIRST.COM, THE CONVERSATION.COM