Meer as die helfte van jou liggaamsmassa bestaan uit water, en daarom het jy dit nodig om te oorleef. As jy ophou eet en drink, sal die gebrek aan water jou gesondheid veel erger raak as die gebrek aan kos.

Water gaan verlore deur die liggaam wanneer ons urineer en sweet, maar ook op ander maniere en ons moet die vloeistowwe vervang deur ons dieet of deur aanvullende maatreëls te tref.

Baie mense kry nie genoeg vloeistowwe in nie en kan gevolglik liggies ontwater, wat simptome soos hoofpyn, moegheid en ’n gebrek aan konsentrasie veroorsaak. Erge ontwatering lei tot ernstiger gesondheidsprobleme soos nierstene.

Hoewel jy water inkry van die kos wat jy eet, veral vrugte en groente, is drankies jou hoofbron daarvan. Water is die hoofbestanddeel in alle drankies – bruisdrankies bevat sowat 65 persent water en vrugtesappe bestaan uit 90 persent water, maar ’n goeie glas water bly maar die beste oplossing.

Verskillende drankies en hul voordele en nadele:

1. Kraanwater

Ter illustrasie. Foto: Getty Images/Gallo Images
Ter illustrasie. Foto: Getty Images/Gallo Images

Dis die goedkoopste en maklikste manier om jou liggaam te hidreer. Jy moet minstens een glas (250 ml) vir elke 10 kg se liggaamsgewig drink, probeer dus verseker jy en jou gesin kry die aanbevole daaglikse dosis in, veral wanneer julle siek is.

2. Orale Rehidrasie Terapie

Ter illustrasie. Foto: Getty Images/Gallo Images
Ter illustrasie. Foto: Getty Images/Gallo Images

Die proses is nie so intens as wat dit klink nie – maar die impak van ontwatering kan wees. ’n Eenvoudige oplossing van orale rehidrasie-soute kan help vervang wat die liggaam verloor het, veral wanneer jy baie vloeistowwe verloor weens siekte of oormatige gesweet wanneer jy oefen. Jy kan ook orale rehidrasie aanvullings gebruik wat noodsaaklike elektroliete en minerale bevat wat jou liggaam benodig om die vloeistofverlies te herbou en vervang.

3. Gebottelde water

Ter illustrasie. Foto: Getty Images/Gallo Images
Ter illustrasie. Foto: Getty Images/Gallo Images

Mineraalwater kom vanuit die grond, dit vloei oor rotse voor dit opgevang word. Daar is egter geen bevestigde ekstra gesondheidsvoordele hieraan of aan bronwater, wat opgevang en gebottel word wanneer dit uit die grond kom nie. Bruisdrankies kan die spysverteringstelsel ontwrig; hou dus maar by die stil-opsie. Drink dit wanneer jy uithuisig is en nie toegang tot kraanwater het nie.

Hou matigheid voor oë – moenie meer as die aanbevole limiet van 14 eenhede ’n week vir vroue en 21 vir mans drink nie. 

4. Warm drankies

Ter illustrasie. Foto: Getty Images/Gallo Images
Ter illustrasie. Foto: Getty Images/Gallo Images

Tee, koffie en warm sjokolade bevat almal kafeïen, wat ’n stimulant is en jou bloedsuikervlakke en slaappatrone kan ontwrig. Hierdie drankies kan ook bydra tot jou kilojoule- en vet-inname, afhangend van hoeveel suiker jy ingooi en of jy volroom of vetvrye melk gebruik. Hou matigheid voor oë – hou jou inname van kafeïendrankies laag en probeer oorskakel na gesonde kruietees soos rooibos.

5. Vrugtekeuses

Ter illustrasie. Foto: Getty Images/Gallo Images
Ter illustrasie. Foto: Getty Images/Gallo Images

Vars vrugtesappe voorsien ons nie net van water nie, maar bevat ook voedingstowwe wat vir jou ’n gesondheidshupstoot gee. Hoe varser die sap, hoe voordeliger sal dit wees. Wanneer jy sap koop, kyk vir dié met die kortste rakleeftyd want dit beteken dit bevat vars bestanddele en geen preserveermiddels nie. Soek ook vir dié wat suiwer is (nie gekonsentreer) omdat dit geneig is om minder toegevoegde suiker te bevat. Drink dit daagliks – maar een klein glas (sowat 150 ml) is genoeg. ’n Glas sap tel as een van jou daaglikse aanbevole vyf porsies vrugte en groente en sal jou vloeistof-inname ’n hupstoot gee.

6. Gasdrankies

Ter illustrasie. Foto: Getty Images/Gallo Images
Ter illustrasie. Foto: Getty Images/Gallo Images

Hierdie bevat waarskynlik suiker en/of kunsmatige versoeters, asook kleurmiddels en bymiddels, wat sleg is vir jou gesondheid en moegheid, hiperaktiwiteit, slapeloosheid en gewigstoename kan veroorsaak. Drink dit af en toe – hoewel dit die beste is om dit te vermy en eerder water te drink wanneer jy jou vloeistof-inname wil verhoog.

7. Kruietee

Ter illustrasie. Foto: Getty Images/Gallo Images
Ter illustrasie. Foto: Getty Images/Gallo Images

Dis gesond en bevat geen kafeïen. Rooibostee is ’n uitstekende keuse en pepermenttee help met vertering. As jy sukkel om koffie te los, doen dit geleidelik. Verminder jou inname na slegs ’n paar koppies per dag vir ’n week of twee, daarna slegs een, en probeer dan om dit heeltemal uit te sny.

Plan van aksie

  • As jy vermoed jy is liggies ontwater, doen dadelik die volgende
  • Vervang kafeïendrankies met water en kruietee.
  • Hou ten alle tye ’n bottel water byderhand en teug regdeur die dag daaraan.
  • Eet genoeg vrugte, groente en sop, wat tot jou vloeistofinname sal bydra.
  • Drink voor jy dors raak. Dorsheid is ’n aanduiding dat jy reeds ontwater is.
  • Oorweeg orale rehidrasieterapie om jou elektrolietbalans te herstel en om liggaamsfunksie te ondersteun. 

Klik hier vir meer inligting oor mondelingse rehidrasiesoute.