Brons

Foto: Peet Mocke

Stap 1

As jy ’n basislaag aanwend, sal jou grimering langer aanbly. Dit maak dit makliker om die oogskadu te skakeer. Gebruik ’n verbloemer onder die oë en aan die ooglede. Dis die vertrekpunt dié en kan werk vir albei voorkomste.

Stap 2

Tik verligter liggies aan die ooglede, wangbene en T-sone.

Stap 3

Skep kontoere om die gesig vorm te gee; vul dan die wenkbroue in.

Stap 4

Gebruik ’n goudkleurige room-oogskadubasis. Dit sal die goud meer laat uitstaan wanneer jy die poeieroogskadu aanwend. Wend bronskleurige blinkertjies net onder jou wenkbroubeen en goue blinkertjies aan jou ooglid aan.

Stap 5

Wend ’n brons verligter aan die wange aan.

Stap 6

Gebruik ’n bleek lipomlyner en dan ’n bleek lipstif.

Stap 7

Wend verligter aan die wenkbroubeen, wangbene, die middellyn van die neus en die kupidoboog aan

HELDER

Foto: Peet Mocke

Volg Stappe 1-7 hierbo, verander net die grimering vir jou wange, oë en lippe.

Wange

Wend bronspienk verligter of blosser aan.

Gebruik ’n warmbruin oogskadu in die vou van die oog en vaalbruin aan die ooglid se hoek. Tik verligter aan die binnehoek van die oog aan en wend daarna verbronser aan oor die ooglid.

Lippe

Wend ’n wynrooi lipstiffie aan – helder lippe is ’n uitstekende keuse vir enige parytytjie.

Wenk
Om te verhoed dat jy gedurig lipstiffie moet opknap en dit sodoende opgebruik, hou ’n sneesdoekie oor jou lippe en tik deursigtige poeier daaraan om die kleur te set.

Model: Lily C van Twenty Model Management; Grimering: Sian Bianca Moss van One League Management