Topkleure
Goud en babablou
Goud en babablou. Foto: Gallo Images/Getty Images
Goud en babablou. Foto: Gallo Images/Getty Images

Verf jou naels blou en voeg goud – of selfs wit – aan die punte by. As jy ’n beginner is met naelkuns, gebruik Franse naelplakkers om dit makliker te maak om die goud of wit netjies aan te wend.

SWART EN WIT
Swart en wit. Foto: Gallo Images/Getty Images
Swart en wit. Foto: Gallo Images/Getty Images

Dié klassieke kleurkombinasie is ’n wenner wanneer jy ’n marmer-effek skep. Verf jou naels wit en wag dat dit droog word.

Gebruik ’n ou lipomlynerkwas of ’n dun kwas wat jy by ’n naelwinkel kan koop en verf die swart marmer-effek op.

Sorg dat daar genoeg naellak aan die kwas is, want die swart naellak moet taamlik dik wees om die gewenste effek te skep. Jy kan ook die kleure omruil en swart as die basis gebruik en wit vir die marmer-effek bo-op.

Groen en geel
Groen en geel. Foto: Gallo Images/Getty Images
Groen en geel. Foto: Gallo Images/Getty Images

Dié twee kleure gaan hand aan hand. Ons hou veral van die kombinasie van blougroen en heldergeel, want dit skep ’n mooi kontras tussen die donkergroen en helder sonskynskakerings.

Gebruik ’n dun kwas om geometriese ontwerpe te skep. Begin met ’n eenvoudige vorm en probeer ingewikkelder ontwerpe namate jy beter raak.

Bleek en swart
Swart en wit. Foto: Gallo Images/Getty Images
Swart en wit. Foto: Gallo Images/Getty Images

Die kombinasie van bleek en swart is perfek vir konser­watiewer omgewings, soos by die werk, want dit lyk formeel en sjiek saam. Hou jou naelkuns eenvoudig vir ’n gesofistikeerde voorkoms.

Rooi en silwer
Rooi en silwer. Foto: Gallo Images/Getty Images
Rooi en silwer. Foto: Gallo Images/Getty Images

Voeg silwer lyne by treffende rooi om ’n tikkie speelsheid te skep. Jy kan dit horisontaal en/of vertikaal aanwend. Gebruik silwer strookplakkers as jou hand neig om te bewe.

Naelwenke
  • Maak jou naelvliesies sag deur jou vingers sowat vyf minute in warm water te week voor jy die vliesies terugdruk.
  • Verwyder kladmerke om jou nael met ’n oogomlynerkwas of wattestokkie wat in naellakverwyderaar geweek is. Dit sal in die knap hoekies inkom en help met noukeurigheid.
  • Sorg dat naellak aan jou nael klou deur watte wat in witwynasyn geweek is op jou naels te plaas. Dit sal enige olies van die naels verwyder.
  • Moenie jou naellakbottel skud nie. Rol die bottel eerder tussen jou hande asof jy hulle saamvryf. Dit sal keer dat die naellak borreltjies maak wanneer jy dit aanverf.
  • Gebruik loperige naellak wanneer jy vorms of ontwerpe verf. Dis makliker om mee te werk en raak vinniger droog. Dikker politoer sal goed werk as jy die politoer wil drup om ’n marmereffek te skep.
  • Smeer Vaseline aan die vel om jou naels om te keer dat jou naellak klad.

Hoewel ons alles in ons vermoë doen om korrekte pryse te verskaf, kan foute voorkom waarvoor Huisgenoot en die verskaffers nie verantwoordelik gehou kan word nie.