Slim met ’n belt

Of jy nou slank of mollig is, ’n belt vat jou middel op die smalste deel in en skep ’n pragtige uurglasvorm.

Modewenk
Dra ’n nou rok en hierby boonop ’n breë belt om jou skraler te laat lyk as wat jy is.


Nou romp

’n Potloodromp is jou beste maat. Dra dit tot in die middel van die knie en saam met ’n ingesteekte top.

Ashley, weer by ’n geleentheid in New York, in ’n leerromp waarby sy haar hemp ingesteek het. Foto: Gallo Images/ Getty Images


Modewenk
Verruil ’n ingesteekte top vir ’n sagte bloes – dit werk goed by ’n romp van kunsleer.


Steek in

Waak teen sakkerige tops wat jou vierkantig kan laat lyk.

Ashley woon die New Yorkse Modeweek by in ’n kort truitjie by ’n langbroek. Foto: Gallo Images/ Getty Images


Modewenk
As jy breë heupe het, kies ’n baadjie wat bo jou heupe eindig sodat dit nie ’n smal middel sal wegsteek nie.


Maak toe

As jy nie gemaklik is in klere wat aan jou lyf klou nie, maar tog met jou figuur wil spog, dra ’n ligte, lang jas.

Ashley, dié keer in Los Angeles, in ’n los jas oor ’n spanbroek. Foto: Gallo Images/ Getty Images


Modewenk
’n Oorkruistop werk goed om kurwes te beklemtoon en jou hals te wys.