GELAMINEER

dekor
Elf Parquet Oak 8 mm R329,90/m², CTM

Voordele 

  • Dis maklik om te installeer.
  • Dit verg min onderhoud en maak maklik skoon.
  • Daar is bekostigbare opsies.
  • Die gehalte van gelamineerde vloere het verbeter – die duurder soorte lyk nes regte hout.

Nadele

  • Anders as vloere van regte hout kan dit nie afgeskuur en herafgewerk word nie. As dit afgeloop is, moet jy dit vervang.
  • Dit kan glad wees.
  • Die gelamineerde vloere van hoë gehalte wat nes regte hout lyk, is duur, en van die goedkoper opsies kan nagemaak lyk.
  • Dit is vatbaar vir waterskade; daarom word gelamineerde vloere nie vir badkamers aanbeveel nie. Jy kan dit in ’n kombuis gebruik, maar net as jy getrou nat plekke altyd dadelik skoonmaak.
Gelamineerde vloer
Quick-step Livyn Balance Click Vintage Chestnut Light R538,30/m², Floorworx
Gelamineerde vloer
Quick-step Classic Havanna Oak Natural W/Saw Cuts R241,49/m², Floorworx
Gelamineerde vloer
Variostep Classic Smoked Chestnut vanaf R315/m², TLC
Gelamineerde vloer
Elf Nordic Pine 7 mm R179,90/m², CTM

SEMENT OF BETON

dekor
Stucco Italiano Solido Floor Plaster vanaf R340/m², Stucco Italiano

Voordele

  • Gepoleerde beton, sement en afgevlakte sement is baie duursaam en werk goed op plekke met baie voetverkeer.
  • Dis maklik om skoon te maak en te onderhou.
  • Daar is ’n verskeidenheid kleure en teksture waaruit jy kan kies – speel gerus na hartelus rond met ontwerpe.

Nadele 

  • Dit is baie hard.
  • Dit bied baie min isolering; dus sal dit koud wees. Jy kan die probleem gedeeltelik oorkom deur matte by te voeg.
  • Soos teëls kan dit baie glad wees.
  • Krake kan mettertyd ontwikkel.

TEËLS

dekor
Centro Florentine Blue Glazed Ceramic Decor 200 x 200 mm R590/m², Italtile

Voordele

  • Teëls is duursaam en kan baie voetverkeer hanteer.
  • Dit is maklik om te onderhou en skoon te maak. Dis ideaal vir vertrekke met ’n hoë humiditeit soos badkamers en vir areas waar mense dikwels mors soos kombuise.
  • Teëls is uiteenlopend en bekostigbaar en in ’n verskeidenheid groottes, kleure, teksture en ontwerpe te kry.
  • Teëls kan ’n ruimte koel hou in warm weer – ideaal vir vertrekke wat baie son en hitte kry.

Nadele

  • Teëls is baie hard en kan kraak as ’n harde voorwerp daarop val.
  • Teëls kan in die winter baie koud word; dus is dit dalk nie die beste opsie as jou huis koud is nie.
  • Dit kan glad wees; onthou dus om glyvaste matte onder los matte te sit.
teels
Signature Taupe Slip Resistant Hardbody R169,99/m², Tile Africa
teels
Infinity Grey Matt Glazed Porcelain 800 x 800 mm R179,90/m², CTM
teels
Baltimore Marengo Lappato Glazed Porcelain 600 x 600 mm R394/m², Italtile
teels
Devas Grey Ceramic R109,99/m², Tile Africa

REGTE HOUT

dekor
Classico Handscraped Greymist vanaf R795/m², Oggie

Voordele

  • Dis maklik om te onderhou en duursaam.
  • Jy hoef dit nie te vervang wanneer dit afloop en verweer nie, want dit kan afgeskuur en weer nuut afgewerk word.
  • Dit voeg waarde toe tot jou eiendom.
  • Daar is baie style, van tradisioneel tot modern. Jy kan dit afskuur en na jou smaak beits.

Nadele 

  • Dis die duurder opsie vir ’n harde vloerbedekking.
  • Houtvloere in areas met baie verkeer is geneig om skade te toon. Dus sal jy dalk die hout moet afskuur en weer afwerk.
  • Houtvloere kan nogal raserig wees. 

Kry dit hier
CTM 0800-010-810; Floorworx 011-406-4100; Italtile 0861-555-109; Oggie 021-510-2846; Stucco Italiano 021-982-0006; Tile Africa 011-455-6061; TLC 021-701-1503
Hoewel ons alles in ons vermoë doen om korrekte pryse te verskaf, kan foute voorkom waarvoor Huisgenoot en die verskaffers nie verantwoordelik gehou kan word nie.