Moenie jou kop daaroor breek nie. Hier is wat van daardie frases beteken – en ’n paar woorde wat jy in jou volgende teksboodskap kan gebruik om seker te maak jy kry nie FOMO nie! 

Snatched

As jou bestie jou ’n foto stuur van hul OOTD (outfit of the day), kan jy dié term gebruik. Dit beteken dat iemand goed, mooi of perfek lyk.

Gebruik dit so: Tammy, jou lewk is snatched!

sbwl

Dis ’n frase wat kom van die Xhosawoord sabaweli. Dit beteken jy wil iets hê of doen wat jy nie kan of moet kry nie.

Gebruik dit so: Julle, ek sbwl ’n Bar-One en heeldag Netflix.

“It’s the _ for me” / Dis die _ vir my

Dis iets wat ons in die sosiale media sê om kommentaar te lewer oor iets positiefs aan iets of iemand.

Gebruik dit so: Dis die glimlag vir my!

Periodt

Jy kan dié woord aan die einde van ’n sin of frase byvoeg om jou punt te beklemtoon.

Gebruik dit so: Billie Eilish se nuwe liedjie is ’n treffer. ­Periodt! OF: Ek is nie vriende met boelies nie. Periodt!

Sus

Dit is ’n afkorting vir die Engelse woord suspect, so jy spreek dit uit soos die eerste deel van die woord. Dis wanneer iets of iemand vreemd is of vreemd optree.

Gebruik dit so: Ek vertrou nie dié situasie nie. Iets is sus.

Cap / no cap

Dit is ’n ander manier om te sê jy of iemand jok (cap). Dit kan ook gebruik word om te sê iets is vals of jy jok nie (no cap) en praat die waarheid.

Gebruik dit so: Jy is verslaaf aan TikTok. No cap!

SKSKSKSK

Hierdie woord is ook veel­sydig, maar is meestal ’n uitdrukking van opwinding wat gebruik word wanneer mense nie weet wat om nog te sê nie. 

Gebruik dit so: Jess: “Gaan jy na Ilse se partytjie toe? Ek sien so uit daarna.” Lynn: “SKSKSKSK . . . Uhm . . .”

Lewk

Hierdie woord is net ’n ander manier om die ­Engelse woord look te gebruik. Dit kan twee dinge beteken – iets wat uitstaan van iemand, soos ’n geboortemerk, of dit kan beteken dat jy ’n hele uitrusting beplan vir ’n spesiale ­geleentheid saam met jou vriende.

Gebruik dit so: Jou rok by die ­matriekafskeid was ’n lewk, dudette! 

Lowkey

Wanneer jy eintlik in die geheim effens van iets of iemand hou.

Gebruik dit so: Ek hou lowkey baie van Justin Bieber. Of: Ek wil lowkey ’n hele sjokoladekoek opeet.

Ok, Boomer

Baie jong mense gebruik dit om ’n ouer generasie, die Boomers (mense wat van 1946 tot 1964 gebore is), baie, baie oud te laat voel.

Dis wanneer ’n Boomer iets vir tieners sê oor hoe hulle destyds gelewe het en die nieboomer maak dan basies die persoon se simpel of onkundige kommentaar af.

Gebruik dit so: Boomer: “In my dae het mans rugby gespeel en nie gehuil nie.”

Tiener: “Ok, Boomer.”

Snatched

As jou bestie jou ’n foto stuur van hul OOTD (outfit of the day), kan jy dié term gebruik. Dit beteken dat iemand goed, mooi of perfek lyk.

Gebruik dit so:

Tammy, jou lewk is snatched!

HOE GOED KEN DIÉ BEKENDES DIÉ NUWE WOORDE

Greteli Fincham (19)

Greteli Fincham. Foto: Instagram/@greteli.fincham
Greteli Fincham. Foto: Instagram/@greteli.fincham

“Ek het al iewers ’n ‘it’s the legs for me’ gesien as ’n girl ’n workout of iets gehad het,” vertel die Alles Malan-aktrise.

“Die res is Griekse woorde! Ek het in my lewe nog nooit die woorde gebruik nie. Ek het nie ’n idee waarvan hier gepraat word nie. Ek dink ek is in die verkeerde generasie gebore. Ek dink ek is ’n ou tannie vasgevang in ’n 19-jarige se lyf.”

Jurgen McEwan (25)

Jurgen McEwan. Foto: Verskaf
Jurgen McEwan. Foto: Verskaf

“Ek het al ‘it’s the . . . for me’ ’n paar keer gebruik,” sê die Arendsvlei-akteur.

“Ek ken ook sbwl, periodt, snatched, lowkey en ok, Boomer. Sbwl kom van ’n Xhosawoord wat beteken jy soek iets, maar kan dit nie eintlik bekostig nie. Ek love daai woord.

"En ok, Boomer verwys na wanneer ons byvoorbeeld by ’n party is en iemand sit die musiek af, dan sê ons ‘ok, Boomer’ as hulle die party of iets wil spoil.

"Ek hou van dié nuwe woorde. Dis baie interessante woorde en ek gebruik dit baie in die sosiale media.”

Kom neem deel aan die gesprek

Volg Huisgenoot op Facebook, Twitter, Instagram en TikTok, en teken gerus in op ons nuusbriewe.