Sy het langer as 25 jaar met die stigma geworstel nadat fibrome vinnig oral oor haar lyf vermenigvuldig het. Dit het chroniese pyn veroorsaak wat beteken het selfs net ’n omhelsing sou haar seermaak. 

Nadat sy haar lot gedeel het, is die ma van Fort Wayne, Indiana, spesialisbehandeling aangebied om die fisieke voorkoms van die toestand te verminder. 

In Junie 2017 het sy haar tweede eletrodisseksie-operasie ondergaan om 1 000 van die “knoppe” aan haar gesig en die weefsel wat die groeisels veroorsaak, uit te roei.  

Om letsels te verminder het sy toe koolsuurgas-laserchirurgie ondergaan wat die vel glad maak en die voorkoms van merke verminder. 

Sedert die operasie het sy ’n “groot verskil” in haar voorkoms opgemerk, maar sy hoop ander mense sal meer begrip toon teenoor mense wat aan neurofibromatose ly. 

Libby, ’n fotograaf, sê: “Ek is baie tevrede met die resultate en hoop om die res daarvan eendag te laat verwyder. 

Foto: Magazine Features

“Ek het al sowat 1 000 van die fibromas laat verwyder.

“My vriende en familie sê ek lyk wonderlik en hulle sien ’n groot verskil. Daar lê nog ’n lang pad voor om die emosionele skade te herstel wat ek oor die jare opgedoen het, maar ek weet dit sal mettertyd verbeter. "

“Hoe meer operasies ek kry, hoe meer selfvertroue sal ek kry, en dit sal help om van my pynlike jeugherinnerings uit te vee.” 

Libby was ’n tiener toe honderde knoppe weens neurofibromatose 1 aan haar vel ontwikkel het. Dit toestand tas een uit elke 2 500 mense aan. 

Op die ergste het Libby amper 6 000 gewasse wat verskeie sentimeter bo haar vel uitsteek aan haar lyf gehad. 

Sy meen elke aspek van haar lewe is weens haar voorkoms verander – van sukkel om werk te kry tot dag-tot-dag-interaksies en selfs liefde vind. 

Foto: Facebook

“Ek is ook ’n mens. Al wat ek wil hê, is om soos enigiemand anders liefgehê en voor omgegee te word.”

Sedert sy haar stryd met die kwaal bekendgemaak het, volg Libby die leuse: “As ons nie gesien word nie, kan ons nie gehoor word nie”. Sy het ook die Facebook-blad Faces of Neurofibromatosis begin om mense met die toestand te help bymekaarbring. 

Sy sê die groep bied steun en verdere bewustheid aan lyers.