Verna Mulder het dié plasing op Instagram gedeel na sy die liefdesgebaar op pad werk toe opgemerk het.

Die plasing is honderde kere gedeel op sosiale media en mense probeer steeds onverpoos vir Kabouter en Pikkewyn opspoor, maar dié twee duifies het nog nie na vore gekom nie. 

“Ek het vanoggend (Maandag) gesien die baniere is steeds op, so of Pikkewyn het dit nie gesien nie of sy het hom nie vergewe nie,” sê Verna aan Huisgenoot. 

Dan bespiegel sy dit kan dalk wees dat Pikkewyn en Kabouter die kat in die donker knyp of te besig om te karfoefel om die plakkate van die brûe te gaan af haal . . .

“Ek weet net dit moes vrek baie moeite gewees het en hy moes daai plakkate vroeg-vroeg Vrydag opgesit het. Brug op en brug af. Dit moes só lank gevat het en dis ook nie goedkoop om sulke groot banners te print nie,” sê Verna. 

Tog weet niemand wie dié twee geliefdes is nie. 

Foto:Facebook
Die plakkate teen die brûe laat die hele Oosrand gons.
Foto:Facebook
Die plakkate teen die brûe laat die hele Oosrand gons.
Foto:Facebook
Die plakkate teen die brûe laat die hele Oosrand gons.
Foto:Facebook
Die plakkate teen die brûe laat die hele Oosrand gons.
Foto:Facebook
Die plakkate teen die brûe laat die hele Oosrand gons.

Cathy Meintjies skerts so ewe op Facebook. “Mmm ek wonder wat het Kabouter gedoen dat Pikkewyn hom moet ‘forgive’?”

’n Ene Estelle Vivier sê op Facebook Pikkewyn moét bloot vir Kabouter vergewe want dié plakkate is mos nou te oulik. 

“Ons is almal so vreeslik nuuskierig. Ons kan nie glo niemand aan die Oosrand kon hulle al vind nie,” sê Verna. 

Is jy Kabouter? Of Pikkewyn? Laat weet ons, die nuuskierigheid sal ons almal tot waansin dryf!