• Weet jy diabetes is die naasgrootste oorsaak van dood in Suid-Afrika? Sowat 422 miljoen mense wêreldwyd het diabetes.
  • Dit tas jou liggaam se vermoë aan om die energie te gebruik wat in kos voorkom.
  • Diabetes is ’n chroniese, lewenslange toestand sonder genesing, maar lyers kan steeds ’n vol, gesonde lewe lei. 
  • Die simptome sluit in: ’n Gereelde behoefte om te urineer, uiterse dorsheid, wonde wat stadig genees, ’n droë mond en jeukerige vel, vinnige gewigsverlies en wasige sig. 
  • Daar is drie hoofsoorte diabetes: tipe-1-diabetes, tipe-2-diabetes en swangerskapsdiabetes.
  • Tipe-1-diabetes verwys na ’n gebrek aan insulienvervaardiging, terwyl tipe-2-diabetes deur die liggaam se ondoeltreffende gebruik van insulien gekenmerk word.
  • Swangerskapsdiabetes word deur verhoogde bloedsuiker tydens swangerskap gekenmerk. 
  • Tipe-2-diabetes is veel algemener as tipe-1-diabetes en is vir sowat 90% van alle diabetes wêreldwyd verantwoordelik.
  • Die behandelings is onder meer dieet, oefening, medisyne – en insulienterapie wat tipe-1-diabetes betref. 
  • Prediabetes beskryf ’n verhoging in bloedsuikervlakke wat nog nie heeltemal hoog genoeg is vir ’n diagnose van tipe-2-diabetes nie, maar eerder as ’n waarskuwing dien. Gesonde leefstylveranderings sal diabetes verhoed. 
  •  ’n Gebrek aan bewustheid oor diabetes, tesame met onvoldoende toegang tot gesondheidsdienste, kan tot blindheid, amputasie en selfs nierversaking lei. 

Kry jou eksemplaar van ons nuwe Diabetes-tydskrif vir nuttige wenke, inspirerende stories en smaaklike resepte om ’n gesonde leefstyl te help bevorder.

Koop joune nou aanlyn, in winkels of bestel ’n eksemplaar deur ’n e-pos na koop@huisgenoot.com te stuur of 021-406-4962 te bel.