Stiltetyd

Deur Marita van der Vyver (Protea Boekhuis, R235*)

Beskikbaar by takealot.com. Die prys was korrek me
Beskikbaar by takealot.com. Die prys was korrek met druktyd en is onderworpe aan verandering.

Stiltetyd, wat die eerste keer in 2006 ver­skyn het, is die verhaal van die Humans wat ’n jaar af vat om ’n huis op die Franse platteland te gaan restoureer.

Kort voor hul vertrek sterf hul dogtertjie in ’n misdaadvoorval, en hul jaar, wat by wyse van spreke ’n tyd van pieknieks in laventellanderye moes wees, word iets heel anders.

In haar verstorwenheid sien Hester Manon voor haar.

“My dogter staan in die kombuisdeur en kyk na my. Rooiblonde krulhare so deurmekaar soos altyd, wange rooier as gewoonlik, asof sy buite rondgehardloop het. Kom in, wil ek vir haar sê, kom in uit die koue, my lief. ‘Hoekom huil Mamma so aanmekaar?’

“Ek vertrou nie my stem om haar te antwoord nie. Maak net my arms oop om haar nader te lok, die amper sesjarige lyfie op my skoot te tel. ‘Hou eers op met huil. Dan sal ek op jou skoot kom sit.’ ”


Hierdie Lewe

Deur Karel Schoeman (Human & Rousseau, R245*)

Beskikbaar by takealot.com. Die prys was korrek me
Beskikbaar by takealot.com. Die prys was korrek met druktyd en is onderworpe aan verandering.

Hierdie Lewe het die eerste keer in 1993 verskyn en is in 1995 met die Hertzogprys bekroon. Dit is die verhaal van ’n vrou wat op haar sterfbed terugkyk op haar lewe.

Sy lê in die kamer waar sy as kind geslaap het: “Daar is geen rede meer om op te staan nie, selfs al kon ek nog beweeg; daar is niks meer wat ek sou kan doen nie en niemand na wie ek sou kon gaan soek nie, want oor die jare het almal reeds gegaan, die een na die ander.

“Waar is julle in hierdie groot donker en kan julle my hoor?

“Praat met my as julle naby is, hier waar ek alleen lê in die nag en nie kan slaap nie, vasgekeer met my verwarde gedagtes en herinnerings aan die einde van my lewe; praat met my, julle wat meer weet as ek en verduidelik vir my wat ek nie kan verstaan nie.”

Die uur van die engel

Deur Karel Schoeman (Human & Rousseau, R279*)

Beskikbaar by takealot.com. Die prys was korrek me
Beskikbaar by takealot.com. Die prys was korrek met druktyd en is onderworpe aan verandering.

“Kort ná middag op ’n weeksdag teen die einde van die somer in die jaar 1838 het die engel van die Here aan Daniël Josias Steenkamp verskyn waar hy sy broer se skape oppas in die veld.

Hy – die engel – het, sover daar van die beskikbare getuienis vasgestel kan word, ’n plek in die lug ingeneem ongeveer drie duim bo ’n doringbos.”

Die verhaal gaan oor die mense wat in die eeu en ’n half hierna hierdeur geraak word. Stemme uit die verlede gee elk ’n ander perspektief: die onseker dominee Heyns, Jood, die beskinderde onderwyser, Daniël se suster en Heyns en Jood se weduwees.

Die roman het die eerste keer in 1995 verskyn.

Verliesfontein

Deur Karel Schoeman (Human & Rousseau, R300)

Beskikbaar by takealot.com. Die prys was korrek me
Beskikbaar by takealot.com. Die prys was korrek met druktyd en is onderworpe aan verandering.

“Die verlede is ’n ander land: waar is die pad wat soontoe loop?”

Die openingsin van Verliesfontein is die tema van dié roman én van Hierdie Lewe en Die Uur van die Engel. Dit is stemme wat opgeteken word sodat dinge nie verlore gaan asof hulle nooit bestaan het nie.

In Verliesfontein is die ander land die Anglo-Boereoorlog. Die skrywer-verteller is ’n historikus op soek na ’n dorpie in die Kolonie wat deur ’n Vrystaatse kommando ingeval is.

Hy fokus op die Kaapse rebel Giel Fourie, maar dit verskuif na die bruin man Adam Balie, wat deur die Boeremagte doodgeskiet is.

Die Kremetartekspedisie

Deur Wilma Stockenström (Human & Rousseau, R229*)

Beskikbaar by takealot.com. Die prys was korrek me
Beskikbaar by takealot.com. Die prys was korrek met druktyd en is onderworpe aan verandering.

Die Kremetartekspedisie, wat in 1981 ver­skyn het, is in onder meer Engels vertaal deur die Nobelpryswenner J.M. Coetzee.

Dit is die verhaal van ’n slavin wat as oorlewende van ’n mislukte ekspedisie in Afrika haar in ’n kremetartboom terugtrek.

Opgekrul in die kleins moontlike bondeltjie mymer die slavin: “Nou woon ek in ’n leegte met slaap die digte oplossing. Ek leef in tyd deur my gemeet met aanvanklik drie krale, later meer en meer totdat ek uit ’n versameling die gaafstes onder die groenetjies vir my indeling kies.

“So gaan daar eers om die beurt een groen en twee swart dae verby, later net ’n rits groen dae.”

Sewe dae by die Silbersteins

Deur Etienne Leroux (Human & Rousseau, R239*)

Beskikbaar by takealot.com. Die prys was korrek me
Beskikbaar by takealot.com. Die prys was korrek met druktyd en is onderworpe aan verandering.

“Die Van Eedens het gevoel dat dit haas tyd is dat hulle enigste seun in die huwelik moet tree met iemand wat in ander opsigte hulle stand waardig is.

“Die jongman is, goddank, wêreldwys genoeg grootgemaak om te besef dat liefde slegs as ’n laaste instansie op die spel kom. Die naam Salome is genoem en na openhartige oorweging as aanneemlik verklaar.”

Die voornemende bruidegom se inisiasie vind oor sewe dae plaas tydens ’n besoek aan die Silbersteins.

Vreemde karakters, bisarre partytjies, onskuld wat in die hek moet duik en die bose wat saam met die goeie in die mens woon, is op die spyskaart.

Walk It Off – A South African On The Camino

Deur Erns Grundling (Queillerie, R239*)

Beskikbaar by takealot.com. Die prys was korrek me
Beskikbaar by takealot.com. Die prys was korrek met druktyd en is onderworpe aan verandering.
Kom neem deel aan die gesprek

Volg Huisgenoot op InstagramTwitterFacebookWhatsApp en teken gerus in op ons nuusbriewe.

“Ek het die lewe se heiligheid weer ontdek nadat ek lank sinies was,” het Erns Grundling geskryf in Elders.

Dit was ná sy staptog van 1 025 km op die Camino, ’n pelgrimstog wat by Cabo Finisterra in Spanje eindig. Eintlik al by die katedraal van Santiago de Compostela, maar Erns het soos verskeie ander besluit om daardie laaste 90 km af te lê na die “einde van die wêreld”.

Hy het ook die uitdaging aan homself gestel om die 40 dae sonder sy selfoon, kamera en horlosie deur te bring om die tog ’n ware tyd van nadenke te maak.