Vir die eerste keer in Suid-Afrika se geskiedenis is daar ’n professionele lokprent vervaardig om ’n boek te bemark.

Die boek is die spanningsverhaalskrywer, Deon Meyer, se nuwe boek, Spoor. Human & Rousseau is die uitgewers.

Die media-agentskap, The Suits, het die idee aan NB-uitgewers voorgelê om lokprente te vervaardig vir boeke as deel van ’n nuwe, innoverende bemarkingsveldtog.

Die resultaat volgens The Suits is ’n aksie-belaaide lokprent vir ’n boek, wat lyk soos ’n lokprent vir ’n film.