#DieLekkerLewe-Varkneksteaks met eiervrugslaai word gegeur, pangebraai en in ’n bak met oondgebraaide eiervrugskywe, julienne-selderystokke en vars pietersielieblare gevoeg. Dan word ’n pikante klapperroomsous daaroor gegiet en dit word saam met bottergebraaide, korserige snye brood voorgesit. 

Eiervrug

  • Voorverhit die oond tot 200 °C.
  • Meng al die bestanddele in ’n groot mengbak en plaas die gemarineerde eiervrug op ’n bakplaat.
  • Bak 10 min.

Varknek

  • Bedruip die varkneksteaks met die olyfolie in ’n braaipan oor hoë hitte en geur met die sout en peper.
  • Braai die steaks 5 min. weerskante en plaas eenkant.

Bottergebraaide brood en slaai

  • Smelt die botter in ’n braaipan oor matige hitte, plaas die brood in die pan en braai tot bros en goudkleurig.
  • Sny die selderystele in dun skywe, skeur die seldery- en pietersielieblare met jou hande en voeg by die selderystele in ’n bak.
  • Voeg die gebakte eiervrugte by en meng sodat die sappe van die eiervrug die blare en seldery bedek.
Pikante klappersous

  • Haal die varkneksteaks uit die pan en voeg in die eiervrugbak.
  • Voeg die klapperroom, brandrissie, paprika en sout in die pan en roer goed sodat al die geure van die pan in die sous meng.
  • Giet die sous oor die vleis en eiervrug en geniet saam met die braaibrood.