Varktjops en appelkoos-rissie konfyt op roosterbrood

akkreditasie
Foto verskaf
Foto verskaf
Bereidingstyd: 5 min
Porsies: 4
Gaarmaaktyd: 10 min
Bestanddele
  • - sout en peper na smaak
  • 60 ml (¼ k) - botter vir brood rooster
  • 60 ml (¼ k) - appelkooskonfyt
  • ½ - ui, in skywe gesny
  • 2,5 ml (½ t) - gerookte rissievlokkies
  • 4 - eiers
  • 2 - Eskort varktjops, gaargemaak
  • 4 - snye suurdeegbrood
  • - olie vir diepbraai
Metode

Dié heerlike broodjie met gesnyde varktjops en soet/sterk appelkooskonfyt sal jou hart én smaakknoppies wen.

  • Verwyder die vel van die tjops en sny die vleis van die been af.
  • Sny die vleis dun en hou eenkant.
  • Verhit olie in ’n kastrol oor hoë hitte en braai die ui tot bros.
  • Plaas die gebraaide ui op ’n kombuispapier om die olie te dreineer.
  • Botter en rooster die brood na smaak in ’n warm pan.
  • Bak eiers net aan een kant – of na smaak.
  • Meng die appelkooskonfyt en rissievlokkies in ’n klein bakkie.

Vir opdiening: 

  • Smeer die konfyt op die roosterbrood. 
  • Skep die eiers, gesnyde tjops en ui op die brood. 
  • Rond af met gras- of sprietuie.  
Jongste uitgawe

21 Oktober 2021

Jongste uitgawe
Klik hier om te gaan na jóú biblioteek met jou tydskrifte en -koerante.
Begin lees