Voorverhit die oond tot 180 °C. Bespuit ’n klein broodpan of 20 cm-Bundtpan goed met kossproei. (Voer die broodpan uit met bakpapier.)

Vrugtebolaag

  • Kook die tee en strooisuiker tot effens stroperig, voeg die vrugte by en bring net weer tot kookpunt. Laat in die stroop afkoel.

Koek

  • Klits die eiergele en strooisuiker tot lig.
  • Roer die jogurt en suurlemoenskil in. Vou die klapper in.
  • Klits die eierwitte tot dit stywe punte vorm en vou by die mengsel in.  
  • Skep die beslag in die voorbereide pan en bak 30-40 min. of tot ’n toets­pen skoon uit die middel van die koek kom. Laat afkoel in die pan en keer dan uit op ’n draadrakkie oor ’n bord.
  • Druk gaatjies in die koek met ’n toetspen, giet van die vrugtestroop oor en laat intrek.

Versiersel

  • Meng die geroomde maaskaas en versiersuiker en skep bollings daarvan op die koek. Stapel die vrugte bo-op. Giet die orige stroop oor.
Wenk
Vir stroop: Voeg 15 ml (1 e) rooswaterstroop by 250 ml (1 k) kookwater pleks van die tee.