• Meng die mele en water.
suurdeegbrood
Foto: Jacques Stander

  • Voeg die suurdeeg by en meng tot ’n rowwe deeg vorm (sien foto 1). Plaas die deeg in ’n geoliede bak en laat 30 min. staan. Die chemiese proses wat plaasvind word ’n “outolise” genoem en laat die pro­teïene in die deeg sterker word. Meng die sout en 15 ml (1 e) water. Maak ’n holte in die deeg en voeg die soutmengsel by. Knie die soutmengsel in die deeg in en voel of die deeg dalk nog ’n bietjie water nodig het. Bedek die deeg en laat ongeveer 30 min. by kamertemperatuur staan voor die eerste vou.
suurdeegbrood
Foto: Jacques Stander

  • Vou die deeg deur dit hoog na bo te lig met albei hande en dan na jouself toe te laat omvou. (foto 2). Laat dit in die bak terugval en laat sowat 1-1½ uur goed rys.
suurdeegbrood
Foto: Jacques Stander

  • Gee die deeg ’n kwart draai, lig en vou weer. Herhaal met die ander twee kante tot al vier die kante van die deeg gevou is. Herhaal die proses 4-6 keer en laat rys telkens 1-1½ uur tussenin. Die vou van die deeg is baie belangrik aangesien dit die gluten in die deeg rek sodat die proteïen sterker word.
suurdeegbrood
Foto: Jacques Stander

  • Vorm die brood: Haal die deeg uit die bak en plaas op ’n meelbestrooide oppervlak. Vou een helfte van die deeg styf oor die ander helfte en druk dit in mekaar in (foto 3).
  • Draai telkens ’n halwe draai en hou aan vou tot ’n sirkel gevorm het. Dit is belangrik om die deeg te vorm, anders bou dit nie krag in die vorm nie en sal dit plat val wanneer dit gebak word.
  • Laat die deeg 20 min. op die oppervlak rus voor dit finaal in ’n ronde bol of langwerpige brood gevorm word.Plaas die deeg in ’n houer (rond of lank) wat met fyn mieliemeel bestrooi is. Plaas die houer met die brood in die yskas en laat ongeveer 12 uur rys.
  • Keer die gerysde brood versigtig uit op ’n bakplaat, sif ’n bietjie meel oor en vryf liggies met jou hand oor die brood om die kante te versag. Sny patroontjies met ’n skerp lemmetjie liggies deur die oppervlak van die deeg (foto 4). Bak ongeveer 30 min. by 230 °C.