Genoeg vir 6

Bereiding: 15 min.

Gaarmaak: 3 min.

Verkoel: 3 uur

250 ml (1 k) swart koffie

60 ml (¼ k) brandewyn

38 sponsvingerkoekies

3 eiers, geskei

60 ml (¼ k) strooisuiker

40 ml (8 t) warm water

2,5 ml (½ t) vanieljegeursel

250 g mascarponekaas

60 g donker sjokolade, gerasper

60 ml (¼ k) kakao

Smeer ’n 20 cm-koekpan liggies.

  1. Gooi die koffie en brandewyn in ’n bakkie. Doop die vingerkoekies een vir een in die koffiemengsel en maak die koekies regop staan om die kante van die koekpan.
  2. Plaas die eiergele, strooisuiker, water en vanieljegeursel in ’n mengbak. Klits die mengsel tot vaal en dik. Vou die mascarponekaas sagkens in.
  3. Klits die eierwitte in ’n ander hittebestande bak oor ’n pot liggies pruttende water tot stywe punte vorm en vou by die marscaponemengsel in. Skep ’n derde van die mengsel in die koekpan. Doop ’n paar van die koekies in die koffiemengsel en pak ’n enkel laag koekies op die mengsel. Strooi die helfte van die sjokolade oor. Herhaal die lae tot al die bestanddele gebruik is en eindig met ’n laag vingers.
  4. Bedek met kleefplastiek en vries 3 uur of oornag. Keer op ’n opdienbord uit en bestrooi met kakao. Sit dadelik voor.

Deur Hope Malau

Foto: Misha Jordaan