Hou ’n roomysbak byderhand.

Skep die maaskaas in ’n groot mengbak. Giet die kondensmelk by en klits met ’n elektriese klitser tot glad.

Voeg die suurlemoensap en -skil en vanieljegeursel by en klits tot goed gemeng. (Die mengsel sal ’n bietjie verdik.)

Roer die bloubessies deur en skep in die roomysbak. Vries minstens 4 uur of oornag tot gestol.

Afronding

Skep bolle van die kaaskoekroomys met ’n roomyslepel. (Doop die lepel in kookwater as dit te moeilik is om te skep.) Druk die bolle rond met jou hande.

Rol die kaaskoekbolletjies in die klapperkoekies en pak op ’n bord. Vries 1 uur. Sit voor saam met nog vars bloubessies, indien verkies.