• Roomys: Smelt die botter in ’n kastrol. Voeg die fyngedrukte kardemom, kaneel en suiker by. Giet die melk en room by en bring tot kookpunt. Verwyder van die hitte en laat staan 15 min. Roer die vanieljegeursel in.   
  • Plaas die eiergele in ’n bak en klits die melkmengsel stadig daarby in. Giet die mengsel terug in die kastrol en laat liggies prut tot dit die agterkant van ’n lepel bedek. Moenie laat kook nie, anders sal die mengsel skif. Verwyder van die hitte en verkoel in die yskas terwyl jy so af en toe roer. Syg dit deur wanneer koud, en karring die mengsel in ’n roomysmaker.
  • Rooster die amandels in ’n droë pan tot goudbruin en laat afkoel. Roer die amandels by die gekarringde roomysmengsel in. Vries tot jy dit voorsit. 
  • Biscotti: Voorverhit die oond tot 180 °C. Smeer ’n broodpan. Klits die eierwitte, suiker en vanieljegeursel en vou dan die meel en amandels daarby in.
  • Skep in die voorbereide broodpan en bak 45 min. Keer die brood uit en laat op ’n draadrak afkoel.
  • Vou in kleefplastiek toe wanneer afgekoel en vries 12 uur. Sny soveel dun skywe van die biscotti as wat jy nodig het, plaas op ’n bakplaat en bak 30 min. of tot droog by 130 °C. Bêre in ’n lugdigte houer. Hou die res van die biscotti-­brood in die vrieskas tot nodig.