Plaas die amandels, meel, sout en suiker in ’n voedselverwerker en meng ’n paar sekondes. Voeg die eier, eiergele en room by en meng tot ’n gladde beslag vorm terwyl jy die kante van die bak een of twee keer afskraap. Keer in ’n beker of bak uit, bedek en verkoel 24 uur.

Voorverhit die oond tot 190° C. Ontpit die kersies en druk dit droog as dit besonder sappig is. Vryf die binnekant van ’n groot, oondvaste soteer- of gratinbak met ’n deursnee van sowat 23-25 cm (of klein individuele petit fours-tertdoppies) met saggemaakte botter.

Strooi die kersies oor die bodem van die pan of bak. Roer die beslag in die beker en giet dit oor die kersies.

Bak sowat 20 min. tot gerys en goudbruin. (Verminder die baktyd tot 7-8 min. as jy kleintjies maak.)

Die middel kan effens platter as die omringende beslag wees, maar dit behoort geset te wees. Indien nie, bak dit ’n bietjie langer. Sif versiersuiker oor en sit dadelik voor.

SJOKOLADE-TRUFFELS

BEREIDING: 1 UUR

  • 100 ml room    
  • 300 g donkersjokolade, ­fyngekap 
  • 150 g ongesoute botter, ­kamertemperatuur
  • kakaopoeier, versiersuiker, gemaalde neute of klappervlokkies vir bo-oor strooi

Bring die room tot kookpunt in ’n swaarboomkastrol en verwyder dan van die hitte en laat afkoel.

Smelt die sjokolade oor ’n dubbelkoker. Giet die room by die gesmelte sjokolade en roer tot ingemeng.

Verwyder van die hitte en laat afkoel tot kampertempartuur.

Klits die botter in ’n elektriese menger tot vaal en verdubbel. Giet die gesmelte sjokolademengsel geleidelik by die botter in en roer tot ingemeng.

Skraap die kante van die bak af en verkoel die ­sjokolade-ganache tot ferm.

Doop ’n klein skeplepel in warm water, vee droog en skep balvormige truffels uit die sjokolade-­ganache.

Rol die truffels in die kakaopoeier, versiersuiker, neute of klapper. Bring enige oorblywende sjokolade-ga­nache terug na kamertemperatuur en druk dit met ’n paletmes weer bymekaar om ’n blok te vorm.

Verkoel tot gereed om weer uit te skep om nog truffels te maak.