Voorverhit die oond tot 180 °C . Bespuit 6-8 emaljebekers met kossproei. 

  • Verroom die botter en suiker sowat 5 min. in ’n mengbak. Voeg die eiers by en klits goed. 
  • Sif die meel, koeksoda en bakpoeier saam in ’n aparte bak en hou eenkant tot benodig.
  • Meng die melk, sap, geursel en marmelade. Voeg die melk- en meelmengsel om die beurt by die bottermengsel. Meng goed.
  • Keer die beslag in die bekers uit en maak dit net meer as ’n driekwart vol. Bak 25-30 min. of tot gaar.
  • Sous: Meng die sous­bestanddele en verhit tot kookpunt in ’n klein kastrol. Verlaag die hitte en laat die sous 3 min. prut. Giet die warm sous oor die poeding sodra dit uit die oond kom. Sit voor saam met roomys of vla.