Bespuit ’n broodpan met kossproei of hou individuele jellievorms byderhand.

  • Skep die gelatien in ’n bakkie en giet die water oor. Meng liggies deur en laat staan 10 min. om te spons.
  • Giet intussen die sapmengsel, rooibostee en stroop in ’n kastrol en bring tot kookpunt. Verwyder van die hitte en laat 5 min. staan. Skep die gesponste gelatien in en meng tot opgelos.
  • Giet die jelliemengsel in die bereide broodpan. Bedek en laat stol 4 uur in die yskas of oornag.

Vir voorsit

  • Maak die jellie liggies om die kante los met ’n bottermes en keer uit.
  • Sny in skywe, versier met die gerasperde suurlemoenskil en blommetjies, indien verkies, en sit voor saam met die klaarbereide vla.
Rooibos-en-suurlemoenstroop

Hierdie stroop kan aangemaak word met sodawater of gewone yswater of selfs as deel van ’n verfrissende mengeldrankie gebruik word – ons span ons s’n in vir ’n rooibosjellieresep.

LEWER 1 L STROOP
BEREIDING: 5 MIN.
KOOK: 15 MIN.

  • 250 ml (1 k) suiker
  • 250 ml (1 k) suurlemoensap
  • 500 ml (2 k) sterk rooibostee
  • 5 cm-stuk vars gemmer, geskil en in skyfies gesny


Voorverhit die oond tot 160 °C. Hou ’n skoon glasbottel byderhand.

  • Plaas die suiker, suurlemoensap en rooibostee saam in ’n diep kastrol. Bring tot kookpunt.
  • Verlaag die hitte en voeg die gemmer by. Laat die stroop 10-15 min. prut en verwyder van die hitte.
  • Plaas die glasbottel in die oond en verhit 10 min. Haal dit versigtig met ’n oondlappie uit en giet die warm stroop in die bottel. Seël goed en laat heeltemal afkoel.
  • Bêre die stroop tot twee maande in ’n koel, donker plek. Nadat jy die bottel oopgemaak het, kan dit tot 2 weke in die yskas gebêre word.