Dié poeding is dalk nie goed vir die dieet nie, maar dis beslis smaaklike sielskos.

Genoeg vir 6 mense

Bereiding: 15 min.

Bak: 30 min.

375 ml (1½ k) bruismeel

250 ml (1 k) strooisuiker

50 g kakao

5 ml (1 t) bakpoeier

1 lemoen, skil en sap

3 eiers

100 g botter, gesmelt

160 ml (? k) melk

100 g melksjokolade, in stukke gebreek

Sous

200 ml (¾ k) donkerbruinsuiker

30 ml (2 e) kakao

Voorverhit die oond tot 180 °C.

1. Meng die meel, strooisuiker, kakao, bakpoeier, lemoenskil en ’n knippie sout in ’n groot mengbak.

2. Klits die lemoensap, eiers, botter en melk saam in ’n aparte bak. Voeg die droë bestanddele by en meng tot glad.

3. Roer die sjokoladestukke by en skep die beslag in ’n bakskottel wat met olie gesmeer is. (Dit moet diep genoeg wees om die poeding te akkommodeer nadat dit gerys het.)

4. Sous Meng 300 ml kokende water met die suiker en kakao en skink alles oor die poedingbeslag.

5. Bak 30 min. in die oond. Sit dit verkieslik warm voor.

Deur Hope Malau

Foto’s: Megan Miller