Sjokoladepoedings gestop met grondboontjiebotter

Voorverhit die oond tot 200 °C. Hou 6 ramekins of dariole-vormpies en ’n bakplaat byderhand.

• Voer die ramekins of vormpies aan die binnekant met die botter uit en bestrooi met die kakao. Skud sodat die kakao goed aan die botter kleef; skud enige oortollige kakao uit.
• Plaas die sjokolade en botter in ’n kastrol en verhit oor lae hitte. Roer aanhoudend tot gesmelt. Verwyder van die hitte en hou eenkant.
• Plaas die suiker en eiers in ’n groot mengbak en klits saam met ’n elektriese handklitser tot liggeel en romerig. Vou die sjokolademengsel en meel liggies by die eiermengsel in.
• Skep 60 ml (¼ k) van die sjokolademengsel in ’n aparte bakkie. Voeg die grondboontjiebotter by en meng goed. Hou eenkant.
• Vul die ramekins of vormpies halfpad met die sjokoladebeslag. Skep ’n lepel van die grondboontjiemengsel in die middel van die beslag in elke ramekin of vormpie. Verkoel die poedings minstens 1 uur in die yskas.
• Pak die poedings op die bakplaat en bak 10-12 min. of tot gaar om die kante en gekraak bo-op.
• Keer die poedings versigtig op opdienbordjies uit en sit dadelik voor.