Voorverhit die oond tot 180 °C. Bespuit 4-6 klein koekpannetjies of ramekins goed met kossproei.

  • Klits die botter en suiker saam tot glad. Klits die eiers een-een by. 
  • Sif die meel, bakpoeier en sout oor die eiermengsel. Voeg die amandels by en meng liggies. Giet die melk by en klits tot net gemeng.
  • Verdeel die beslag tussen die koekpannetjies of ramekins (moenie dit meer as twee derdes vol skep nie).
  • Pak die koekpannetjies of ramekins op ’n bakplaat en bak 25-30 min. of tot goudbruin en gaar. ’n Toetspennetjie moet skoon uit die middel van die poeding kom.
  • Stroop:  Terwyl die poedings bak, verhit al die bestanddele buiten die botter saam in ’n kastrolletjie. Roer aanhoudend tot die suiker opgelos is. Laat die stroop 10 min. liggies prut. Verwyder van die hitte en roer die botter by.
  • Vir voorsit: Keer die ­poedings op ’n bord uit en steek ’n paar gaatjies daarin. Giet die warm stroop stadig oor die poedings en sit voor saam met nog suur­lemoen, ment en geklopte room of roomys, indien verkies.

Ons gebruik hier gemaalde amandels vir ’n ekstra neutsmaak. Vir ’n goedkoper opsie kan dit met gewone koekmeel vervang word.