Voer ’n oondbak met kleefplastiek uit en bespuit met kossproei.

  • Smelt die botter in ’n kastrol en braai die knoffel tot geurig. Voeg die meel by en roerbraai ’n paar sek. Giet die melk bietjies-bietjies by terwyl jy aanhoudend roer.
  • Laat die sous prut tot dit verdik – hou aan roer om te keer die sous brand aan. Verwyder van die hitte en roer die mozzarella-, pecorino- en fetakaas, pieter­sielie, suurlemoenskil en brandrissie­vlokkies, indien gebruik, by. Meng goed en geur na smaak met die sout en peper.
  • Bring ’n groot kastrol gesoute water tot kookpunt en kook die lasagne tot al dente. Dreineer en pak ’n laag van die lasagne in die bereide bak. Giet die helfte van die sous oor. Pak nog ’n laag lasagne bo-op, gevolg deur die orige sous.
  • Pak laastens nog ’n laag lasagne en bedek met kleefplastiek. Verkoel 
    2 uur of oornag tot die sous gestol is. Keer die lasagne op ’n snyplank uit en sny in driehoeke.
  • Krummel: Rol die driehoeke versigtig in die meel en doop dan in die eier. Rol in die krummels, doop weer in die eier en rol dan weer in die krummels. Herhaal met al die driehoeke.
  • Verhit die olie in ’n kastrol vir diepbraai. Braai die lasagne­driehoeke in sarsies tot goudbruin en deurwarm. Dreineer op ’n draad­rakkie en sit dadelik voor.