Dié steurgarnaalslaai is ideaal vir ’n voorgereg. Vir ’n formeler ete kan jy garnale in ’n bak saam met suurlemoenskywe stapel en die slaai en slaaisous uitlaat.
Genoeg vir 2 mense
Bereiding: 20 min.
Staantyd: 1 uur
Gaarmaaktyd: 5 min.
GARNALE
10 koninggrootte
garnale, in die dop
sout en pas gemaalde
swartpeper
MARINADE
250 ml (1 k) droë witwyn
2 knoffelhuisies, gekneus
60 ml (¼ k) vars suurlemoensap
5 ml (1 t) groen brandrissie
30 ml (2 e) vars pietersielie, gekap
VINAIGRETTE
100 g vars frambose
100 g suiker
80 ml (¹/3 k) water
30 ml (2 e) olyfolie
sap van 1 suurlemoen
SLAAI
400 g vars aarbeie, in die helfte gesny
200 g roketblare
As jy hout-sosatiestokkies gaan gebruik, week dit vooraf in water sodat dit nie op die vuur aan die brand raak nie
- Garnale Geur die garnale met die sout en peper.
- Marinade Meng al die bestanddele in ’n glasbak en laat die garnale 1 uur marineer.
- Vinaigrette Verwerk die vinaigrette-bestanddele in ’n voedselverwerker tot glad. Bedek en plaas in die yskas.
- Slaai Meng die aarbeie en roket en drup die vinaigrette oor.
- Ryg die garnale op die stokkies en braai 4-5 minute op warm kole of tot hulle netnet pienk is.
- Sit voor saam met die aarbeislaai.
Ons wil graag hê jy moet langer kuier.
Teken in en kry onbeperkte toegang tot 11 Afrikaanse tydskrifte en 35 koerante. Alles op een plek.
KIES JOU PAKKET