1. Frittata-muffins

'n Heerlike eiermuffin propvol goedheid en met min koolhidrate; dis ideaal vir ontbyt én die kosblik.

Frittata-muffins. Foto: Jacques Stander
Frittata-muffins. Foto: Jacques Stander

2. Varktjops met romerige sampioensous

Die sampioensous smaak heerlik saam met enige steak of gebraaide tjop. Ons gee die sous 'n Duitse geur met mosterd en paprika en sit dit voor saam met gebraaide vark­tjops en grofgebreekte aartappels.

Varktjops met romerige sampioensous. Foto: Jacques
Varktjops met romerige sampioensous. Foto: Jacques Stander

3. Hoenderkebabs

Dié resep bevat my moeitelose marinade wat ons graag gebruik wanneer ons êrens in die ooptes uitspan.

Die jogurt is 'n natuurlike versagmiddel en maak die hoender heerlik sappig. Waak daarteen om dit te lank te braai, veral as jy hoenderborsies gebruik – die vleis kan maklik uitdroog. 

Hoenderkebabs. Foto: Jacques Stander
Hoenderkebabs. Foto: Jacques Stander

4. Vinnige tamatiepasta met tuna

Die jogurt verleen heerlike romerigheid aan die sous wat jy by pasta inmeng; dit is perfek vir ’n vinnige aandete of ligte middagete. 

Vinnige tamatiepasta met tuna. Foto: Jacques Stand
Vinnige tamatiepasta met tuna. Foto: Jacques Stander

5. Jogurtkoek met klapperys

Ek het die hoeveelheid botter met meer as die helfte verminder en dit met dubbelroomjogurt vervang om dit lekker ryk en klam te maak. Die jogurt saam met die klapperys smaak heerlik. Ek het die koek met versoeter gebak en dit werk.

Jogurtkoek met klapperys. Foto: Jacques Stander
Jogurtkoek met klapperys. Foto: Jacques Stander
Ken jou jogurt

Lees die etiket op die verpakking wanneer jy inkopies doen. Jogurt word op grond van vet-inhoud in die volgende soorte verdeel:

  • Vetvry/afgeroom:< 0,5% melkvet 
  • Laevet: 0,5-1,5% melkvet 
  • Mediumvet: 1,5-3,3% melkvet
  • Volvet- of volroom: 3,3-4,5% melkvet
  • Hoëvet of dubbelroom: > 4,5% melkvet
Die kultuur van jogurt
Jogurt is een van die oudste gefermenteerde suiwelprodukte ter wê­reld, en mense maak dit vermoedelik reeds sedert 5000 v.C.

Spesifieke bakterieë, bekend as jogurtkulture, word by vars melk gevoeg ten einde die melksuiker (laktose) daarin in melksuur om te skakel. Tydens dié proses word die melkproteïen, kaseïen, gedeeltelik afgebreek en jogurt se tipiese jelagtige struktuur word gevorm. 

Melksuur is verantwoordelik vir die kenmerkende suur smaak en help ook dat die jogurt langer as vars melk hou.

Jogurt is voedsamer as melk, hoofsaaklik omdat die fermentasieproses dit makliker verteerbaar maak en die liggaam dan voedingstowwe soos kalsium, fosfor en yster beter absorbeer.

Soms kan diegene wat laktose-onverdraagsaam is wel jogurt in ’n mate verdra. In Suid-Afrika is ook laktosevrye jogurt beskikbaar.


Kom neem deel aan die gesprek
Volg Huisgenoot op InstagramTwitterFacebookWhatsApp en teken gerus in op ons nuusbriewe.