• Verhit ’n middelslag-kastrol oor matige hitte en giet ’n bietjie olyfolie daarin. Voeg die ui, origanum en paprika by; geur en braai ongeveer 5 min. of tot deurskynend. Roer die knoffel en tamaties by saam met ’n bietjie water, verhoog die hitte en laat 15 min. prut.
  • Vorm intussen die worsvleis in klein balletjies so groot soos gholfballe.
  • Plaas nog ’n braaipan oor matige hitte en giet ’n bietjie olyfolie daarin. Voeg die helfte van die vleisballetjies by en braai 5 min. tot bruin.
  • Verwyder en herhaal die proses. Sodra al die vleisballetjies bruin is, plaas dit terug in die pan, voeg die tamatiemengsel by en laat 10 min. prut.
  • Voeg die krulkool by,  sit ’n deksel op en kook nog 5 min. tot verwelk. Geur na smaak en strooi die grondboontjies oor. Sit voor saam met die suurlemoenwiggies, om daaroor uit te druk, en lekker vars brood of kapokpatat.

WENKE

  • Ek voeg knoffel ­gewoonlik eers teen die einde van die kookproses by om te keer dat dit brand en bitter raak. Dit versterk ook die knoffelgeur. 
  • Wanneer die tamaties kook, styg die suurvlak van die gereg. Voeg ’n bietjie ­suiker by om die chemiese reaksie en die smaak te ­balanseer