Voorverhit die oond tot 150 °C.

Hou ’n groot, diep oond- of braaibak met ’n deksel byderhand.

  • Lamsboud Versprei die uie, wortels en lourierblare in die oondbak.
  • Gebruik ’n skerp mes en sny kepies in die vetkant van die lamsboud. Geur oraloor met die koljander, komyn, sout en peper. Vryf die speserye goed in die boud in.
  • Stop die kepies met die knoffel en roosmaryn en plaas die boud, met die vetkant na bo, op die groente in die bak.
  • Drup die suurlemoensap oor die boud en giet die rooibostee onderin die bak. Plaas ’n vel bak­papier losweg oor die boud en maak stewig met die deksel toe.
  • Rooster die boud 2½ uur. Maak die bak halfpad deur oop en giet nog rooibostee by as die vloeistof weggekook het. Die boud is gaar wanneer die vleis sag en goudbruin is en amper van die been afval.
  • Rys Kook intussen die rys volgens die aanwysings op die verpakking. Dreineer goed en laat in ’n vergiettes droog­stoom. Skep die rys in ’n bak en meng die res van die bestanddele by.

WENK

Sit die boud spoggerig voor op ’n bedding vars suurlemoen- of lourierblare op ’n groot opskepbord.