Voorverhit die oond tot 200 °C. Plaas ’n draad­rakkie op ’n bakplaat en be­spuit goed met kossproei.

  • Sit die varkribbetjies in ’n drukkoker en giet die hoenderaftreksel by. Giet nog kookwater bo-oor indien nodig – die ribbetjies moet heeltemal met vloeistof bedek wees. Seël die pot goed met die deksel en laat 35-40 min. onder druk kook of tot die ribbe­tjies sag is. Haal die ribbetjies uit die vloeistof en hou eenkant.
  • Sous: Verhit intussen al die bestanddele in ’n kastrolletjie en roer tot die suiker opgelos is.
  • Pak die gekookte ribbe­tjies op die bereide draadrakkie en verf die sous ruimskoots oor. Draai die ribbetjies om en verf weer met die sous. Rooster die ribbe­tjies 15 min., draai dit dan om en verf weer met die sous. Rooster nog 10-15 min. of tot goudbruin en klewerig.
  • Roerbraai: Verhit intussen die olie in ’n diep pan en braai die ui tot geurig. Voeg die kopkool by en roerbraai tot sag.
  • Voeg die aartappels, brandrissievlokkies en asyn by en roerbraai tot die aartappels deurwarm is. Geur met die sout en peper na smaak.
  • Vir voorsit: Sit die ribbe­tjies voor saam met die roerbraai en vars kruie, indien verkies.

Vark is een van die goedkoper plaasvervangers vir lam en bees. Ons gebruik varkrib en sit dit voor saam met ’n spotgoedkoop roerbraai.