• Giet die olie in ’n pan en braai die ui tot sag. Sprinkel die bruin­suiker oor en braai tot die ui mooi gekaramelliseer is.
  • Voeg die port, rooiwyn, roosmaryn en lourierblare by die uiemengsel. Laat dit stadig kook tot die mengsel afgekook het.
  • Voeg die bief­aftreksel by en kook weer tot die mengsel met die helfte afgekook het. Geur met sout na smaak.
  • Giet die mengsel deur ’n sif in ’n kastrol. Laat dit stadig prut, voeg die botter by en roer goed. Verkoel. 
  • Vir voorsit: Rang­skik bondeltjies ­carpaccio bo-op die ­geroosterde ciabattasnytjies en garneer met wilde­roketblare en ­parmesaankaas. Drup van die wynsous oor die bruschetta en geur met ­growwe ­peper na smaak.

Maak seker jy kry ’n vogtige carpaccio wat baie dun gesny is, is Edu se raad. “Om self carpaccio te maak is ook baie lekker en eintlik baie maklik. Moenie die vleis te lank uitdroog nie. Nadat ek myne gepekel (cure) het, laat ek dit nie langer as ’n dag by 2 °C in die koelkamer hang om te droog nie.”

Wenke
  • Die port-en-rooiwyn­sous kan ’n maand lank in die yskas gehou word.
  • Maak geurige ciabatta-roosterbroodjies deur die brood aan albei kante met olyfolie in te smeer en in die oond te rooster tot goudbruin. Vryf dan ’n gesnyde knoffelhuisie oor elke snytjie roosterbrood vir ’n heerlike knoffelgeur.