Dit is deesdae nie vreemd om dit op ’n skerm of ’n verhoog te sien nie: ’n toneel waarin een of meer karakters kaal is. Soos Amalia Uys wat intieme tonele in Desert Rose moes aandurf om die storie diepte te gee, het ander akteurs ook al die klere vir hul kuns in Afrikaanse rolprente en reekse laat waai.
Naak- of erotiese tonele bly ’n groot uitdaging, sê dié sterre – en báie voorbereiding is nodig om seker te maak dit werk. Hier deel van hulle hul ervarings.
Toe Beer die draaiboek vir Christiaan Olwagen se fliek Kanarie lees, was naaktheid nie noodwendig ter sprake vir ’n sekere storttoneel nie.
