Sy is verlede maand op 53 jaar dood nadat sy twee hartaanvalle gehad het. In ’n bittersoet oomblik op die gedenkdiens het Lisa se dogter, die aktrise Riley Keough (33), bekendgemaak haar ma het kort voor haar dood ’n ouma geword.
“Ek hoop ek kan my dogter liefhê soos jy my liefgehad het, soos jy my broer en my susters liefgehad het,” sê Riley in haar huldigingswoord aan haar ma.
Haar man, Ben Smith-Petersen, het dit voorgelees, want sy was te emosioneel om dit te doen. Riley is die dag voor die diens in ’n privaat straler sien aankom met ’n baba in haar arms.
