Op ’n Karookoppie staan Merweville se nuwe distriksgeneesheer en sing dat haar engelstem tot in die stofstrate van die dorpie weerklink. So asof dit die natuurlikste ding op aarde is.
Die talentvolle donkerkoppie moes destyds by ’n optrede van die koor van die Laerskool Boston in Kaapstad voorsing. Sy het weggeval met die lied, maar toe sy al die mense in die volgepakte saal sien, het sy die res van die woorde vergeet.
En op daardie oomblik het sy ’n vrees ontwikkel vir sing voor mense. Dit sou haar jare lank bybly.
