Die blondekop het Woensdag bekendgemaak dat sy vir eers deur ’n dokter beveel is om haar vertonings te staak weens uitdagings met haar gesondheid.
Sy het in ’n emosionele inskrywing op sosiale media vertel sy stoei al maande lank met haar stem, en hoewel sy al by verskeie dokters vir hulp aangeklop het, die enigste pad vorentoe is om haar stembande te laat rus.
Nóg sy, nóg ’n woordvoerder vir Coleske Artists, haar platemaatskappy, wou self verder oor haar gesondheid uitwei en het Huisgenoot na die persverklarings verwys.
